Ағымдағы жылғы 15 мамырда ҚР Парламенті Мәжілісінің жалпы отырысында «Қазақстан Республикасының Үкіметі мен Қырғыз Республикасының Министрлер Кабинеті арасындағы» «Қарасу» және «Ақ-Тілек» автожол өткізу пункттері ауданында индустриялық сауда-логистикалық кешеннің қызметін құру және реттеу туралы келісімді ратификациялау туралы» заң жобасы мақұлданды.«Кешен «Қарасу» және «Ақ-Тілек» автожол өткізу пункттері жанында орналасады және өндірістік алаңдардан, тауарлар мен жабдықтарды сақтауға арналған қоймалардан, сондай-ақ көлік инфрақұрылымынан тұратын болады», - деді сауда және интеграция вице-министрі Қайрат Төребаев.  

Кешенде сүт, ет, жидек-көкөніс, тоқыма және фармацевтика өнімдерін өндіру сияқты кооперациялық жобаларды іске асыруға жағдай жасалады.Келісімді ратификациялау өңірлік экономиканың дамуына және Қазақстан мен Қырғызстан арасындағы сауда және экономикалық байланыстарды нығайтуға әсер етеді және тауар айналымын $3 млрд. дейін ұлғайтуға мүмкіндік береді.

Ақпарат көзі: Министерство торговли и интеграции Республики Казахстан