Бұланды ауданында Ақмола облысы әкімінің орынбасары Алтынай Әміренова Макинск қаласындағы су тасқынынан зардап шеккен тұрғындарды қабылдады. Қабылдауға су басқан үйлердің иелері келіп, мүлік шығыны туралы хабарлады, материалдық көмек алу жөнінде өтініш білдірді.

Естеріңізге сала кетейік, 2025 жылғы 4 сәуірде қардың күрт еруі салдарынан Макинск қаласында 33 тұрғын үйді су басты. Қазіргі уақытта арнайы комиссия жұмыс істеп, өтемақы алатын азаматтардың тізімін жасақтауда.

Алтынай Әміренова барлық зардап шеккен азаматтарға қажетті көмек көрсетілетінін атап өтті. Ол өтініш білдірушілерге көмектің көрсетілу тәртібін толық түсіндіріп, бірде-бір азамат мемлекет назарынан тыс қалмайтынын атап өтті.

Қабылдаудан кейін Макинск қаласының тұрғындары көтерген мәселелер бойынша комиссиялық тексеру жүргізілді.

Ақпарат көзі: ГУ «Аппарат акима Акмолинской области»