«Мерейлі отбасы» ұлттық конкурсының қалалық кезеңіне үміткерлерді іріктеу бойынша комисия құру туралы» өкіміне

2-қосымша

«Мерейлі отбасы» ұлттық конкурсының қалалық комиссия туралы

Ережесі

1-тарау. Жалпы ережелер

1. «Мерейлі отбасы» ұлттық конкурсы (бұдан әрі – конкурс) өнегелі құндылықтарды жаңғыртуға және отбасы мен некенің (ерлі-зайыптылықтың) жағымды үлгісін таратуға, отбасы мәртебесін арттыруға бағытталған.

Конкурс осы Қағидалардың 7-тармағында көрсетілген мерзімдерде жарияланады және «Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы                         31 қазандағы № 689 қаулысына сәйкес Отбасы күніне орай қорытындыланады.

Конкурсты өткізудің мақсаттары:

1) отбасы институтын, адамгершілікті, руханилықты нығайту, жауапты ерлі-зайыптылықтың маңызын тану;

2) ата-аналардың бала тәрбиелеудегі жауапкершілігін арттыру;

3) отбасылық құндылықтарды, кәмелетке толған балаларының еңбекке қабілетсіз және егде жастағы ата-аналарына қамқор болуын дәріптеу, және кеңінен насихаттау;

4) қазақстандық отбасының жағымды имиджін насихаттау.

2. Конкурсқа өзін-өзі ұсыну жолымен, сондай-ақ жергілікті атқарушы органдардың, Қазақстан Республикасының заңнамасында белгіленген тәртіппен тіркелген заңды тұлғалардың ұсынуы бойынша отбасылар (бұдан әрі – үміткерлер) қатысады.
3. Конкурсқа қатысуға мүшелерінің еңбекте, спортта, шығармашылық, зияткерлік, ғылыми жетістіктері бар, сондай-ақ қоғамдық пайдалы қызметке қатысатын (волонтерлік, қайырымдылық, меценаттық, тәлімгерлік) отбасылар жіберіледі.
4. Мыналар:

1) қызметі Қазақстан Республикасының аумағында тыйым салынған ұйымдардың құрамына кіретін (кірген) мүшелері бар;

2) бұрын сотталған мүшелері бар отбасылар конкурсқа қатыса алмайды.

2-тарау. Конкурсты ұйымдастыру тәртібі

5. Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен Қазақстан Республикасының Ақпарат және қоғамдық даму министрлігі, жергілікті атқарушы органдар болып конкурстың ұйымдастырушылары табылады.
6. Қазақстан Республикасының Ақпарат және қоғамдық даму министрлігі «Мерейлі отбасы» ұлттық конкурсын ұйымдастыру және өткізу бойынша жұмысты үйлестіру мақсатында мүдделі мемлекеттік органдар, Қазақстан Республикасының заңнамасында белгіленген тәртіппен тіркелген заңды тұлғалар және қоғам қайраткерлері арасынан конкурсты дайындау және өткізу жұмыстарын үйлестіру жөніндегі ұйымдастыру комитетін (бұдан әрі – ұйымдастыру комитеті) құрады.

Ұйымдастыру комитетінің міндеттеріне мыналар жатады:

1) конкурстың басталуы туралы көпшілікке жариялау;

2) конкурстың имидждік жарнамалық науқанын бекіту;

3) конкурстың барлық кезеңдеріне дайындықты және өткізуді үйлестіру;

4) конкурсты өткізудің барлық кезеңдерін ақпараттық сүйемелдеуді қамтамасыз ету;

5) өңірлердегі конкурстың іріктеу айналымдарын өткізу қорытындылары туралы жергілікті атқарушы органдардың есептерін тыңдау;

6) конкурс лауреаттарын салтанатты түрде марапаттау рәсімін ұйымдастыру және өткізу.

7. Конкурсты өткізу туралы ақпараттық хабар бұқаралық ақпарат құралдарында, сондай-ақ жергілікті атқарушы органдардың әлеуметтік желілердегі ресми аккаунттарында жыл сайын 15 мамырдан кешіктірілмей жарияланады.
8. Конкурс екі кезеңде жүргізіледі. Бірінші кезең – аудандық (қалалық), екінші – облыстық (республикалық маңызы бар қала, астана).
9. Жергілікті атқарушы органдар «Мерейлі отбасы» ұлттық конкурстың (бұдан әрі – комиссия) жеңімпаздарын анықтау бойынша облыстарда, қалаларда, аудандарда мүдделі мемлекеттік органдар, Қазақстан Республикасының заңнамасында белгіленген тәртіппен тіркелген заңды тұлғалар, қоғам қайраткерлері мен өткен жылдардағы конкурс лауреаттары арасынан комиссия құрады, сондай-ақ ол туралы ережені, іріктеу өлшемшарттарын және конкурсты өткізу форматын бекітеді.
10. Конкурсқа қатысуға өтінім (осы Қағидаларға қосымшаға сәйкес нысан бойынша) аудандық (қалалық) комиссияға жыл сайын конкурстың басталғаны туралы көпшілікке жариялаған күннен бастап бір ай ішінде мынадай құжаттар қоса беріле отырып, қағаз және (немесе) электрондық нұсқада беріледі:

1) ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;

2) асырап алушы (қорғаншы) отбасылар үшін — жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме;

3) неке қию туралы куәліктің көшірмесі;

4) ата-аналарының біреуі қайтыс болған жағдайда, қайтыс болу туралы куәліктің көшірмесі (бар болса); 

5) балаларды тәрбиелегені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері;

6) заңды және (немесе) жеке тұлғалардың ұсыным хаттары (кемінде екеу);

7) отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері;

8) қоғамдық пайдалы қызметке (волонтерлік, қайырымдылық, меценаттық, тәлімгерлік) қатысуды растайтын құжаттардың көшірмелері;

9) дербес деректерді жинауға және өңдеуге келісім.

Ұсынылатын құжаттардың көшірмелерін үміткерлер ұсынған түпнұсқалар негізінде аудандық (қалалық) комиссияның төрағасы куәландырады.

Аудандық (қалалық) комиссия құжаттар топтамасы толық ұсынылмаған жағдайда, өтінім берілген күннен бастап екі жұмыс күні ішінде ұсынылған құжаттарды конкурсқа қатысуға ниет білдірген отбасына қайтарады.

Конкурсқа қатысуға ниет білдірген отбасы ұсынылған құжаттар қайтарылған күннен бастап үш жұмыс күні ішінде пысықталған өтінімді қайта береді.

11. Құжаттарды көрсетілген мерзімнен кейін ұсынған үміткерлер конкурсқа қатысуға жіберілмейді.
12. Аудандық (қалалық) комиссияға ұсынылған құжаттар қайтарылмайды.
13. Ұйымдастырушылар:

1) барлық үміткерлерге тең жағдайды және оларды іріктеу ашықтығын;

2) жеке құпия болып табылатын ақпараттың жасырын болуын;

3) конкурс нәтижелері туралы мәліметтердің ресми жарияланатын күнінен бұрын таралып кетпеуін қамтамасыз етеді.

14. Аудандық (қалалық) комиссия конкурсқа қатысу үшін құжаттарды қабылдау аяқталған кезден бастап он бес жұмыс күнінен аспайтын мерзімде аудандық (қалалық) конкурстың жеңімпазын анықтау бойынша алынған ақпаратты жан-жақты тексеруді жүзеге асырады, содан кейін екі жұмыс күні ішінде екі үміткердің (жанұяның) құжаттарын, өздерінің аудандар (қалалар) әкімдерімен келісілген шешімдерін облыстық (республикалық маңызы бар қалалар, астана) комиссияға жібереді.
15. Облыстық (республикалық маңызы бар қалалар, астана) комиссиялар аудандық (қалалық) комиссиялардан құжаттарды алған кезден бастап он бес жұмыс күнінен аспайтын мерзімде іріктеу жүргізеді және жеңімпаз бір жанұяны анықтайды, қажет болған жағдайда ұсынылған құжаттарды қосымша тексеруден өткізеді және облыстарда, республикалық маңызы бар қалаларда, астанада конкурс жеңімпаздары анықталғаннан кейін екі жұмыс күні ішінде облыстардың (республикалық маңызы бар қалалардың, астананың) әкімдерімен келісілген өздерінің шешімдерін ұсынылған құжаттармен бірге ұйымдастыру комитетіне жібереді.
16. Комиссиялар үздік отбасыларды айқындау туралы шешім қабылдау кезінде мынадай өлшемшарттарды басшылыққа алады:

1) отбасы мүшелері жетістіктерінің саны мен маңызы (отбасы тарихы визит карточкасы — таныстыру рәсімі);

2) отбасылық дәстүрлер және жәдігерлер;

3) отбасының рухани-адамгершілік кұндылықтары;

4) балаларының және немерелерінің жетістіктері (бар болса);

5) ата-аналарының үлгі тұтарлықтай жетістіктері;

6) отбасы құрамы (отбасы мүшелерін саны – бір аумақта бірге тұрып жатқан бірнеше ұрпақтың өкілдері);

7) отбасының дарындары;

8) отбасының өмір сүру салты (саламатты өмір салты, бос уақыты);

9) қоғамдық-пайдалы қызметке (волонтерлікке, қайырымдылыққа, меценаттыққа) қатысуы;

10) жетім балаларға қамқоршылық, тәлімгерлік.

17. Комиссияның әрбір мүшесі үміткерлерді балдық жүйе бойынша бағалайды (1-ден 10-ға дейін).

Өлшемшарттардың бірі бойынша ақпарат болмаған жағдайда, аталған өлшемшарт бағаланбайды.

Ең көп балл жинаған отбасы конкурстың келесі кезеңіне өтеді.

Балдардың жалпы саны тең болған жағдайда, түпкілікті шешім ашық дауыс беру арқылы қабылданады.

18. Мүдделер қақтығысы болған жағдайда, комиссия мүшесі бұл туралы комиссияны хабардар етеді және дауыс беруді өткізуге жіберілмейді.
19. Комиссиялардың отырыстары жергілікті атқарушы органдардың интернет-ресурстарында және әлеуметтік желілердегі ресми аккаунттарында онлайн-трансляция режимінде өткізіледі.
20. Ұйымдастыру комитеті облыстық (республикалық маңызы бар қалалар, астана) комиссиялардан құжаттарды алған кезден бастап он жұмыс күні ішінде жеңімпаз отбасылар туралы бағдарламалар циклін дайындау үшін материалдарды мемлекеттік ақпараттық саясатты жүргізу жөніндегі мемлекеттік тапсырманы орындайтын заңды тұлғаға жібереді.
21. Облыстық (республикалық маңызы бар қалалар, астана) кезеңдердің жеңімпаз отбасыларына «Мерейлі отбасы» лауреаты атағы, диплом және ерекшелік белгісі (мүсінше) беріледі.
22. Конкурс лауреаттарын марапаттау рәсімі жыл сайын салтанатты түрде Отбасы күні қарсаңында өткізіледі.
23. Конкурсқа қатысушылар туралы ақпарат бұқаралық ақпарат құралдарында, сондай-ақ конкурсты ұйымдастырушылардың интернет-ресурстарында орналастырылады.
24. Конкурс лауреаты атағы қайталап берілмейді.

«Мерейлі отбасы»

ұлттық конкурсын 

өткізу қағидаларына

қосымша

«Мерейлі отбасы» ұлттық конкурсына қатысуға арналған

өтінім

1. Отбасы құрамы:

2. Отбасылық өмір тәжірибесі _____________________________________
3. Отбасы тарихын сипаттау (отбасылық дәстүрлер, құндылықтар, отбасындағы балаларды тәрбиелеу ерекшеліктері) ______________________
4. Отбасы мүшесінің тегін, атын, әкесінің атын (бар болса) көрсете отырып, еңбектегі, спорттық, шығармашылық, зияткерлік, ғылыми, қоғамдық пайдалы (волонтерлік, қайырымдылық, меценаттық, тәлімгерлік) қызметтегі отбасының (немесе отбасы мүшелерінің) жетістіктері: ____________________________________________________________
5. Наградалардың, сыйақылардың болуы (грамоталардың, алғыс хаттардың, дипломдардың, сертификаттардың көшірмелерін қоса бере отырып) _____________________________________________________________
6. Отбасы мүшелерінің қоғамдық қызметін көрсететін әлеуметтік желілердегі аккаунтқа сілтеме (бар болса) ____________________________________________________________________
7. Отбасылық фотосуреттер (электрондық нұсқасымен бірге 5 данадан аспайтын)
8. Отбасының таныстыратын (ұзақтығы 2 минуттан аспайтын) бейнеролик
9. Өзге де құжаттар ___________________________________________

Қолы __________

Күні __________

Ақпарат көзі: ГУ «Аппарат акима города Приозёрск»