Рахымжан Қошқарбаевтың ерлігі халық жадында мәңгі сақталмақ

11 Қазан 2024 жылдың 10 Астана қаласы Министерство обороны Республики Казахстан

Л. Гумилев атындағы Еуразия ұлттық университетінің жоғары колледжінде Халық қаһарманы Рахымжан Қошқарбаевтың туғанына жүз жыл толуына орай «Рухы биік хас батыр» тақырыбында ғылыми-практикалық конференция өтті.

Оған Еуразия ұлттық университеті әскери кафедрасының оқытушылары, Рейхстагқа жеңіс туын тіккен батырдың өмір жолын зерттеген студенттер, мамандар мен журналистер қатысты.

Еуразия ұлттық университетінің әскери кафедрасының бастығы генерал-майор Еділ Оразов конференцияға қатысушыларға арнап құттықтау сөз сөйледі.

– Бұл жыл Қарулы күштер үшін де, жалпы ел үшін де айтулы жыл. Мамыр айында біз Кеңес Одағының Батыры, Халық қаһарманы, армияның бірінші қорғаныс министрі генерал Сағадат Нұрмағамбетовтың мерейтойын атап өттік. Енді біз Халық қаһарманы Рахымжан Қошқарбаевтың жүз жылдығына арналған конференция өткізіп жатырмыз. Бұл жиын көптеген жылдар бойы Рахымжан Қошқарбаевтың жауынгерлік жолын зерттегендердің баяндамаларымен қызықты. Жастардың батырларымыздың ерліктері туралы білуі және батыр жайлы естелікті ұрпақтан-ұрпаққа жеткізуі қажет, – деп атап өтті Е. Оразов.

Көптеген жылдар бойы Рахымжан Қошқарбаевтың ерлігі мойындалмады. 1941-1945 жылдардағы Ұлы Отан соғысында көрсеткен ерлігі мен батырлығы үшін ҚР Президентінің Жарлығымен Халық қаһарманы атағы оған 1999 жылы қайтыс болғаннан кейін ғана берілді.

– Бүгін біз Рахымжан Қошқарбаевтың қандай қиындықтар мен сынақтардан өткенін білдік. Университеттің әскери кафедрасында оқып, әскери журналист мамандығын алып шығамын. Құрдастарыма Рахымжан Қошқарбаев сынды тарихи тұлғалардың мұрасын зерттеуге кеңес беремін. Біз үшін ол батылдық пен төзімділіктің үлгісі. Одан үлгі өнеге алу керек, – деді әскери кафедраның екінші курс студенті Ерасыл Срайылов.

Конференцияда Рахымжан Қошқарбаевтың өмір жолы, соғыс жылдары және оның бейбіт уақыттағы қызметі туралы баяндамалар тыңдалды. Ол туралы Қазақстанның еңбек сіңірген қайраткері, Халықаралық «Алаш» сыйлығының лауреаты Жанболат Ауыпбаев өз естеліктерін айтты. Батырдың немересі Дәурен Қошқарбаев та сөз сөйледі. Іс-шараға арнайы тақырыптық фотокөрме дайындалды.

Ақпарат көзі: Министерство обороны Республики Казахстан

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz

Л. Гумилев атындағы Еуразия ұлттық университетінің жоғары колледжінде Халық қаһарманы Рахымжан Қошқарбаевтың туғанына жүз жыл толуына орай «Рухы биік хас батыр» тақырыбында ғылыми-практикалық конференция өтті. Оған Еуразия ұлттық университеті әскери кафедрасының оқытушылары, Рейхстагқа жеңіс туын тіккен батырдың өмір жолын зерттеген студенттер, мамандар мен журналистер қатысты. Еуразия ұлттық университетінің әскери кафедрасының бастығы генерал-майор Еділ Оразов конференцияға қатысушыларға арнап құттықтау сөз сөйледі. – Бұл жыл Қарулы күштер үшін де, жалпы ел үшін де айтулы жыл. Мамыр айында біз Кеңес Одағының Батыры, Халық қаһарманы, армияның бірінші қорғаныс министрі генерал Сағадат Нұрмағамбетовтың мерейтойын атап өттік. Енді біз Халық қаһарманы Рахымжан Қошқарбаевтың жүз жылдығына арналған конференция өткізіп жатырмыз. Бұл жиын көптеген жылдар бойы Рахымжан Қошқарбаевтың жауынгерлік жолын зерттегендердің баяндамаларымен қызықты. Жастардың батырларымыздың ерліктері туралы білуі және батыр жайлы естелікті ұрпақтан-ұрпаққа жеткізуі қажет, – деп атап өтті Е. Оразов. Көптеген жылдар бойы Рахымжан Қошқарбаевтың ерлігі мойындалмады. 1941-1945 жылдардағы Ұлы Отан соғысында көрсеткен ерлігі мен батырлығы үшін ҚР Президентінің Жарлығымен Халық қаһарманы атағы оған 1999 жылы қайтыс болғаннан кейін ғана берілді. – Бүгін біз Рахымжан Қошқарбаевтың қандай қиындықтар мен сынақтардан өткенін білдік. Университеттің әскери кафедрасында оқып, әскери журналист мамандығын алып шығамын. Құрдастарыма Рахымжан Қошқарбаев сынды тарихи тұлғалардың мұрасын зерттеуге кеңес беремін. Біз үшін ол батылдық пен төзімділіктің үлгісі. Одан үлгі өнеге алу керек, – деді әскери кафедраның екінші курс студенті Ерасыл Срайылов. Конференцияда Рахымжан Қошқарбаевтың өмір жолы, соғыс жылдары және оның бейбіт уақыттағы қызметі туралы баяндамалар тыңдалды. Ол туралы Қазақстанның еңбек сіңірген қайраткері, Халықаралық «Алаш» сыйлығының лауреаты Жанболат Ауыпбаев өз естеліктерін айтты. Батырдың немересі Дәурен Қошқарбаев та сөз сөйледі. Іс-шараға арнайы тақырыптық фотокөрме дайындалды.