Ауқымды шараға Ұлыбритания, Жапония, АҚШ, Канада елдерінің беделді ғалымдары, отандық зерттеуші-ғалымдар және еліміздің әр аймағынан келген оқытушы ұстаздар жиналды.

    Биыл 11-ші рет өткізіліп отырған дәстүрлі ICBCB конференциясын университетіміз ҚР Президентінің жанындағы Ұлттық Ғылым Академиясымен жəне «ELINET» Білім беру, Тілдер жəне Интернационалдандыру желісімен және “BILIM-INNOVATION” халықаралық қоғамдық қорымен бірлесе ұйымдастырды.

     Конференция мақсаты - білім беру мен мəдениетаралық байланыс аясындағы озық ғылыми зерттеулерді насихаттау, ғалымдар мен зерттеушілердің ортақ ғылыми желісін құруға мүмкіндік беру, еліміздің ғылыми əлеуетін арттыруға үлес қосу.

     Халықаралық конференция аясында панельдік сессиялар, талқылаулар және тақырыптық семинарлар ұйымдастырылды. Ғылыми зерттеулерді, тәжірибе алмасуды және академиялық байланысты нығайтуға бағытталған шара екі күнге созылады.

 

Ақпарат көзі: Қазақстан Республикасы Ғылым және жоғары білім министрлігі