Шебер кәсіптен танымалдыққа дейін: «Алтын Гефест» ұлттық конкурсы ТМК-дағы үздіктерді біріктіреді

Қазіргі әлемдегі кез-келген кәсіптің өзегі – адамдар. Металлург, шахтер және кенші мамандықтары кейде тиісті бағаланбайды, алайда, бұл мамандықтар өнеркәсіптік әлемнің негізі болып саналады, кез-келген кәсіптің негізінде адами ресурстар, адамдардың шеберлігі, олардың еңбегі мен адалдығы тұрғанын еске салады. Мұндағы кәсіпқойлық – бұл өз кәсібіне деген терең құрмет, оның тек өз кәсіпорны үшін ғана емес, жалпы ел экономикасы үшін де маңыздылығын түсіну.    

            2024 жылдың 6 маусымында Астана қаласында жыл сайынғы Astana Mining & Metallurgy (АММ) конгресі аясында 14-ші ұлттық тау-кен металлургия салалық «Алтын Гефест» - конкурсы өтеді. Бұл ТМК мамандары үшін Республикалық маңызы бар жоғары дәрежелі марапат. 

           ТМК Қазақстан экономикасының сенімді тірегі болып саналады және ҚР ЖІӨ-нің 10%-ға дейінгі үлесін алады. Қызметкерлердің жоғары біліктілігі мен қажырлы еңбегінің арқасында өнеркәсіп қарқынды дамып келеді, ал осы саланың мамандары өз еңбегі үшін ең беделді марапатқа лайық. Сондықтан ҚР Өнеркәсіп және құрылыс министрлігінің және іс-шараның бас серіктесі – Eurasian Resources Group (ERG) қолдауымен ұйымдастырылған салада баламасы жоқ «Алтын Гефест» салалық конкурсы қатысушылар үшін ерекше маңызды. 

           Конкурсқа қатысу тегін және онлайн форматта өткізіледі. Өтінімдерді жинау ашық және 20 мамырға дейін жалғасады. 20 – 28 мамыр аралығында қазылар алқасы құрамындағы бейінді қауымдастықтар мен Министрліктің тәуелсіз сарапшылары конкурсқа жіберілген өтінімдерді сараптап, 14 түрлі номинация бойынша ТМК саласының үздік мамандарын таңдайды. 

           Конкурсқа өтінімді кандидаттар ұйымдардың ұжымдары арқылы да, өзін-өзі ұсыну арқылы да білдіре алады, бұл процесті одан да қолжетімді етеді. Өтінімді конкурс сайтында беруге болады. Конкурс қатысушыларға өздерінің кәсібилігін растауға, бәсекеге қабілеттілігін арттыруға және тұрақты дамуға мотивация алуға мүмкіндік береді. 

           2024 жылғы конкурста салалық мамандықтарды одан әрі танымал етуге бағытталған маңызды жаңа еңгізілімдер күтілуде. Номинациялар саны өзгеріссіз қалды:

1.     Жыл кәсіпқойы (Жыл геологы, Жыл тау-кеншісі, Жыл металлургы, Жыл кеншісі, ТМК саласындағы әйелдер, Жыл байытушы маманы)
2.     Жылдың үздік әлеуметтік жобасы
3.     Өнеркәсіптік қауіпсіздік бойынша жыл көшбасшысы
4.     Жыл тәлімгері
5.     Жыл ғалым-педагогы
6.     Үздік дипломдық жұмыс
7.     Жыл медиа жобасы - ТМК туралы баспасөз бен Интернет-қорындағы ең үздік журналистік жұмыс
8.     Жыл медиа жобасы - ТМК туралы ТВ-дағы ең үздік журналистік жұмыс
9.     ТМК саласында үздік digital-шешім – Eurasian Resources Group (ERG) Премияның Бас серіктесінен арнайы номинация
10. Үздік ESG стратегиясы

Жаңалықтың тағы бірі - ол бірқатар номинациялар бойынша жүлделі сыйақылардың өсуі: «Үздік дипломдық жұмыс» - 300 000 теңге, «Жыл ғалым-педагогы» - 500 000 тг, «ТМК туралы баспасөздегі ең үздік журналистік жұмыс» - 300 000 тг, «ТМК туралы ТВ-дағы ең үздік журналистік жұмыс» – 300 000 тг. Бұл Қазақстан Республикасындағы тау-кен-металлургия саласы туралы жазатын журналистер, жоба, ғалым, оқу орындары мен кәсіпорын мамандары үшін республикалық маңызы бар марапатқа ие болып, ғылымға үлес қосуға бірден бір мүмкіндік. Дәл осы мақсатта, конкурсқа лауреат ретінде қатысушы ТМК туралы жазатын журналистер үшін, сондай-ақ жер қойнауын пайдаланушы ұжымдардың пиар-департаменттерінің БАҚ-пен өзара әрекеттестігін жақсарту үшін баспасөз-таңғы асы ұйымдастырылады. Пиар департаменттердің БАҚ-пен өзара байланысы тау-кен металлургия саласы туралы ақпаратты кеңінен жариялау, бірегей материалдар алу және саланың маңыздылығы туралы оң қоғамдық пікір қалыптастыру үшін маңызды.

          Сондай-ақ, АММ конгресінің 2-ші күнінде Амфитеатр аймағында «Алтын Гефест» конкурсының жеңімпаздары өздерінің табысқа жету құпиясын ашып, жас ұрпаққа практикалық кеңестер беретін және өз мамандықтарында жоғары нәтижелерге қол жеткізуге көмектескен тәжірибелерімен бөлісетін сессия өтеді. Бұл сессия жаңадан бастаған мамандар мен студенттер үшін сала көшбасшылары қолданатын жұмыстың жаңа технологиялары мен әдістемелері туралы хабардар болуға, алғашқы болып құнды білім алуға бірегей мүмкіндік болмақ. АММ Конгресін ұйымдастырушылар ұрпақтар арасындағы тәжірибе алмасу металлургиямен байланысты салалардағы прогресс пен инновацияның кілті деп есептей отырып, жас таланттарды қолдау мен дамытуға ерекше назар аударады. 

Біз ТМК секторында жұмыс істейтін барлық мамандарды конкурсқа қатысып, өздерінің кәсіби дағдыларын паш ету мүмкіндігін пайдалануға және өз еңбегіне лайықты бағасын алуға шақырамыз.

Толық ақпарат келесі сілтеме бойынша: https://miningtalents.kz/ru/apply  

Ақпарат көзі: ГУ «Аппарат акима города Караганды»