Шымкент қаласының Төтенше жағдайлар департаменті 19 қазан Құтқарушы күніне орай баспасөз туры мен ашық есік күнін өткізді. Іс-шараға бұқаралық ақпарат құралдарының өкілдері, білім беру мекемелерінің оқытушылары мен оқушылары қатысты.

Іс-шараның ерекшелігі ретінде мемлекеттік наградалармен марапатталған құтқарушылардың қызыл кілеммен өтуі болды. Сонымен қатар, Төтенше жағдайлар саласында қызмет ететін құрылымдардың қызметкерлеріне де қошемет көрсетілді. Бұл өте әсерлі және тебіреніске толы сәт болды.

Құтқарушылардың кәсіби шеберлігін көрсететін арнайы дайындалған өрт сөндіру, құтқару және алғашқы көмек көрсету бойынша тәжірибелік жаттығулар да ұсынылды. Іс-шараға қатысушылар құтқарушылар жұмысының күрделілігі мен маңыздылығын көзбен көріп, сезінді.

ТЖД бастығы Қ.Базарбаев шара барысында сұхбат беріп, өрт сөндірушілер мен құтқарушылардың ерен еңбегін атап өтті, сондай-ақ келе жатқан кәсіби мерекелерімен құттықтады. Сонымен қатар, іс-шараға қатысқан бүгінгі күннің батырларынан да сұхбаттар алынды.

Баспасөз туры аяқталғаннан кейін қаланың білім беру мекемелерінің оқушылары үшін Ашық есік күні ұйымдастырылып, іс-шара ұжымдық фотосессиямен аяқталды.

Шымкент қаласы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан