Қарағандыда жыл сайынғы "Экология және балалар" конференциясы өтті. Биыл ол облыстың жалпы білім беретін мектептерінің оқушылары мен педагогтарының жобалау-зерттеу жұмыстарының конкурсы түрінде өткізілді.

Конференцияға 100 өтінім берілді. Екінші турға 71 адам қатысты. Қатысушылар қазылар алқасының мүшелеріне зерттеу жұмыстары – презентациялары бар баяндамалар ұсынды. 

Байқауға қатысушылар жаңа технологияларды қолдана отырып, қоқыстарды қайта өңдеу және су ресурстарын үнемдеу арқылы қоршаған ортаның ластануын шешу жолдарын ұсынды.

– Қазақстанның жекелеген өңірлерінде су тапшылығы сезілуде, шөлді аумақтар бар. Біз бұл мәселені конференцияда атап өтуді жөн көрдік. Балалар суды үнемдеу керек екенін түсінуі керек. Біздің мектептен осы тақырып бойынша менің екі оқушым сөз сөйледі. Жетінші сынып оқушысы Әйгерім Құрметбек бірінші орын иеленді. 10-сынып оқушысы Ақбота Өркенбекқызы күміс жүлдегер атанды, – деді Теміртау қаласының № 29 ЖББМ биология пәнінің оқытушысы Рина Дәулетхан.

Жүлделі орындар жас санатына сәйкес бөлінді.

Жеңімпаздар грамоталармен және сыйлықтармен марапатталды. Барлық басқа қатысушылар алғыс хаттар мен ынталандыру сыйлықтарын алды.

Конференцияны ұйымдастырушы – Қарағанды облысының Табиғи ресурстар және табиғат пайдалануды реттеу басқармасы.

Ақпарат көзі: ГУ «Аппарат акима Карагандинской области»