Бүгін Түркістан қаласындағы «Түркістан Арена» орталық стадионында өрт сөндіру-құтқару спорты бойынша  ерлер мен әйелдер құрама командаларының арасында Қазақстан Республикасының жазғы чемпионаттарының  салтанатты ашылу рәсімі өтті.

4 күн ішінде еліміздің  өңірлерінен келген 22 ерлер және  12 әйелдер құрама командалары жүлделі орындарға сайысатын болады. Сондай-ақ осындай дәрежедегі жарысқа қатысу және өз  күшін сынап көру үшін Өзбекстан Республикасының және Қырғыз Республикасының спортшылары арнайы келді.

Салтанатты ашылу рәсіміне Түркістан  облысы әкімінің орынбасары З.С.Жолдасов, ТЖД бастығы А.Д. Төлешев, «Қазақстандық өрт сөндірушілер мен құтқарушылардың спорттық федерациясы» ҚБ атқарушы директоры Д.Т.Данаев, Өртке қарсы қызмет комитеті Өрт сөндіру және авариялық-құтқару жұмыстарын ұйымдастыру басқармасының бастығы А.В.Чистяков, азаматтық қорғау органдарының ардагерлері және басқа да қонақтар қатысты. Олар құттықтау сөз  сөйлеп, спортшыларға сәттілік тіледі.

Екінші күні ашылу салтанатынан кейін жүз метрлік кедергілері бар жолақтан өту дисциплинасында  жүгіруден финалдық жарыс өтті.

Бұл  дисциплина күш пен  жете назар аударуды  талап етеді. Өйткені бұл кедергілерді сәтті еңсеру үшін тек жылдамдық  қана емес, ептілік те  қажет болады.  Жүгіру динамикалық түрде 2 метрлік қоршауды еңсеру, бөрене (бум) арқылы жүгіру, жеңді тармаққа  қосу секілді  бірнеше элементтерді қамтиды. Одан кейінгі  күндері өрт эстафетасы мен жауынгерлік қанат жаю  бойынша жарыстар өтеді.

Түркістан облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан