Қарағанды облысының каратэшілері Канадада Dageki World Full Contact Karate Championship 2024 әлем чемпионатында үздік өнер көрсетті. Біздің спортшылардың қоржынында тоғыз медаль бар, оның төртеуі алтын.

Монреальда планетаның ең мықты каратэшілерінің шайқасы өтті. Турнир 12 әлемдік ұйым арасында жоғары сапа стандарттары бойынша өткізілді. Тоғыз татамиде 800-ге жуық жауынгер өзара бақ сынасты.

– Қазақстан құрамасы жапондықтарды жеңіп, бірінші жалпыкомандалық орынға ие бола отырып, өз күшін тағы да дәлелдеді. Мыңдаған жанкүйерлер, достарымыз бен отбасыларымыз әр түрлі стильдегі каратэшілерді нокаутқа жібергендерін тікелей эфирде тамашалады, – деп хабарлады Канададан Қазақстан құрамасының капитаны кекушинкай каратэ Бүкілқазақстандық ұйымының Қарағанды филиалының директоры Тимур Райымбеков.

Қарағандылықтар тоғыз медальмен оралды. Тимур Райымбеков, Артем Редин, Диана Есжанова және Мұхтар Әбішев Әлем чемпионы атанды. Валерия Шабатура мен Владимир Гриневетский күміс медаль жеңіп алды. Илья Опалев, Әсем Шәугенбай және Артем Редин (ката) қола жүлдеге ие болды.

– Біздің келесі мақсатымыз – 1–2 тамызда Астанада өтетін Азия чемпионаты, – деді әлемдік біріншіліктің жеңімпазы Тимур Райымбеков.

Соңғы рет Қазақстан спортшылары Канададағы Dageki 2016 турнирінен бір алтын, екі күміс және екі қола әкелді.

Қарағанды облысының дене шынықтыру және спорт басқармасының ақпараты бойынша

Ақпарат көзі: ГУ «Аппарат акима Карагандинской области»