Маңғыстау облысындағы қорғаныс істері жөніндегі департаментінің жинау пунктінде әскерге шақырылушыларды салтанатты түрде шығарып салу рәсімі өтті. 

Отыз бес әскерге шақырылушы психологиялық тестілеуден және бақылау медициналық тексеруден ойдағыдай өтіп, облыстық шақыру комиссиясының оң шешімін алды. Енді олар өздерінің Отан қорғаушы деген азаматтық борышын теңіз бригадасында атқаратын болады.

Маңғыстаулықтарды шығарып салуға облыстық қорғаныс істері жөніндегі департаментінің, теңіз жаяу әскерлері бригадасының әскери қызметшілері, Қарулы күштердің ардагерлері мен туған-туыстары қатысты. Әскерге жаңа келгендер мен ата-аналарын шабуылдау батальоны командирінің орынбасары капитан Алимардон Израилов қарсы алды. 

– Сіздердің балаларыңыз жалғыз теңіз бригадасына қызмет етуге барады. Олар Отанның нағыз қорғаушысы атанып, жауынгерлік бөлімшелерде қызмет етеді. Әскерде балалар көп нәрсені үйренеді. Қызмет барысында алған машықтары азаматтық өмірде де кәдеге жарарына сенімдімін. Қиындық адамды шыңдап, тәжірибе жинауға көмектеседі, сондықтан одан қорықпаңыздар, – деді ол.

Болашақ теңіз жаяу әскері Мақсат Ерлан қызмет туралы өз ойын айтты. 

– Бүгін біз әскерге қызмет етуге барамыз. Әрине, бізге жаңа командаға, күнделікті өмірге, белсенді дене шынықтыруға үйренуіміз қажет. Бұның бәрі пайдалы деп ойлаймын. Ең бастысы – әскерге баруға деген құлшынысым, көңіл-күйім жақсы, – деді әскерге шақырылушы.

Бөлімге келгеннен кейін жас сарбаздар бірден жаңа әскери киім киді. Бір ай ішінде олар қарқынды жаттығуларға қатысып, әскери істің негіздерін үйренеді. Қараша айының соңында әскер қатарын толықтырғандар әскери ант беріп, өздерінің қызметтік міндеттерін орындауға кіріседі.

Ақпарат көзі: Министерство обороны Республики Казахстан