Теміртауда "Qarmet" АҚ-да ел ішілік құндылықты дамыту бойынша форум өтті. Жүйе құрушы компания шағын және орта бизнесті қолдайды және жергілікті тауарлар мен қызметтерді сатып алуға дайын екендерін жеткізді.

Форум қорытындысы бойынша Қарағанды облысының әкімдігі мен Qarmet арасында өзара іс-қимыл бойынша меморандум жасалды.

Ұйымдастырушылардың айтуынша, кездесуге облыстың 150-ден астам тауар өндірушілері қатысты. Олар компания өкілдерімен ынтымақтастық мәселелерін тікелей талқылай алды. Ол үшін В2В форматындағы диалог алаңын ұйымдастырдық.

Форумның басты мәселелерінің бірі - жүйе құраушы кәсіпорындардың өңірдің шағын және орта бизнес субъектілерін қолдауы. Елішілік құндылықты арттыру бүгінгі таңда жұмыстың басым бағыттарының бірі болып табылатыны атап өтілді.

Тау-кен металлургия компаниясы жергілікті өндірістермен өзара іс-қимылды күшейтуге дайын. Бірлескен жергілікті жобалар жоспарлануда. Сондай-ақ мамандарды оқыту саласында ынтымақтастық дамитын болады.

"Qarmet" АҚ импортты алмастыру мақсатында орта мерзімді кезеңге компанияға отандық тауарларды сатып алу есебінен елішілік құндылық үлесін едәуір арттыруға мүмкіндік беретін жоспар әзірленді.

Форумда қазақстандық мазмұнды дамытуға қосқан үлесі үшін бизнес-серіктестерге алғыс хаттар табысталды.

Ақпарат көзі: ГУ «Аппарат акима Карагандинской области»