Times Higher Education (THE) әлемнің үздік жоғары оқу орындарының жаңартылған тізімін жариялады, оған төрт қазақстандық университет кірді. Биыл рейтингте 115 елден 2000-нан астам оқу орындарының арасында 23 қазақстандық ЖОО ұсынылған. Биылғы нәтижелер жоғары білім берудегі маңызды өзгерістер мен тенденцияларды көрсетеді.

     NU 501-600 орынға жайғасып, бірнеше қатарға көтерілді. Университет әсіресе «Білім беру» санатында 251-300 диапазонында ерекшеленді, бұл оның осы саладағы мұғалімдерді даярлау мен академиялық зерттеулердегі көшбасшылығын көрсетеді.

     Әл-Фараби атындағы Қазақ ұлттық университеті былтырғы 1201-1500 салыстырғанда өз позициясын жақсартып, 1001-1200 диапазонына көтерілді. «Оқыту» және «Халықаралық көзқарас» санаттарында айтарлықтай жақсартулар байқалды.

     Л.Н.Гумилев атындағы Еуразия ұлттық университеті 1201-1500 диапазонында өз позициясын сақтап қалды, «Оқыту» және «Дәйексөздер» санаттары бойынша бағалауда аздаған өзгерістер болды.

     Өткен жылы 1501+ диапазонында болған Satbayev University өз позициясын сақтап қалды, алайда «Халықаралық көзқарас» санаты бойынша көрсеткіштерді жақсартты.

     Университеттердің ең беделді әлемдік рейтингтерінің бірі болып саналатын THE рейтингі жоғары оқу орындарын төрт негізгі өлшем бойынша бағалайды: білім сапасы, ғылыми зерттеулер, дәйексөз және халықаралық ынтымақтастық.

Ақпарат көзі: Қазақстан Республикасы Ғылым және жоғары білім министрлігі