ӨЗБЕКСТАНДЫҚ 15 ҒАЛЫМ БӨКЕТОВ УНИВЕРСИТЕТІНДЕ ҒЫЛЫМИ ТАҒЫЛЫМДАМАДАН ӨТТІ

  Низами атындағы Ташкент мемлекеттік педагогикалық университетінің оқытушылары академик Е.А.Бөкетов атындағы Қарағанды университетінде ғылыми тағылымдамадан өтті.

  Тағылымдама аясында бірлескен ғылыми зерттеулерді, білім беру бағдарламаларын және мәдени бастамаларды дамытуға бағытталған екі университет арасындағы өзара іс-қимылдың жаңа кезеңінің басталуы белгіленді.

  Шетелдік қонақтарға Қарағанды университетінің археология және этнография мұражайы таныстырылып, далалық зерттеулер барысында студенттер жинаған бірегей экспонаттар ұсынылды. Коллекцияға бүкіл Қазақстан бойынша табылған артефактілер кірген.

  Экскурсиядан кейін делегация университет басшылығымен кездесіп, одан әрі ынтымақтастық перспективаларын талқылады. Бірлескен ғылыми зерттеулерге, зертханалық жобаларға және жетекші ғылыми журналдардағы жарияланымдарға ерекше назар аударылды. Ташкенттен келген делегация өзара іс-қимылды тереңдету және тәжірибе алмасу мақсатында бір апта бойы Қарағандыда болды.

 Ынтымақтастық бағдарламасының маңызды бөлігі қазақстандық ғалымдардың қараша айында Өзбекстанға сапары болмақ. Бұдан басқа, халықаралық басылымдарда бірлескен зерттеулер мен жарияланымдарды жалғастыруға бағытталған ғылыми тағылымдама жоспарлануда.

  Бір апталық тағылымдамадан өткеннен кейін Низами атындағы Ташкент мемлекеттік педагогикалық университетінің ғалымдары атаулы сертификаттар алды.

Ақпарат көзі: Қазақстан Республикасы Ғылым және жоғары білім министрлігі