Еліміздің барлық өңірлерінде жыл сайын ұйымдастырылатын «10 жасыл күн» атты республикалық челлендж бастау алды. Оның мәні 10 күнде 10 эко әдеттер қалыптастыруға бағытталған. Оның ішінде «Эко сөмке уақыты», «Жаяу жүріңіз», «Жалпы энергия үнемдейтін шам», «Суды үнемдеу», «Қоқыс сұрыптау» және т. б. бағыттары қарастырылған.

Челлендждің негізгі мақсаты – азаматтардың экология саласына, оның ішінде қоршаған ортаны қорғаудағы волонтерлік қызметке қатысуға деген қызығушылықтарын арттыру.

Аталған челлендж «Birgemiz: Taza Alem» жобасы «Әлеуметтік жобалар қоры» корпоративтік жалпыұлттық қорымен «Тaza Alem» және «Таза Қазақстан» республикалық экологиялық акциялары аясында ұйымдастырылуда.

Экологиялық акция #10ZHASYLKÚN ортақ хэштегімен өтуде. Қатысушыларға әлеуметтік желілерде фотосуреттерін немесе бейнелерін бөлісуі және @birgemiz_taza_alem2022 ұйымдастырушылар парақшасын белгілеу қажет.

ҚР Мәдениет және ақпарат министрлігінің баспасөз қызметі

Ақпарат көзі: ГУ «Аппарат акима Карагандинской области»