Төтенше жағдайлар жүйесінде қызмет ету тек терең білім мен дағдыларды ғана емес, сондай-ақ ісіне деген үлкен адалдықты талап етеді. Жамбыл облысы ТЖД баспасөз қызметінің бас маманы Сәуле Мунатаева 13 жылдан астам уақыт бойы ең күрделі және қауіпті оқиғалар туралы ақпарат беруде маңызды рөл атқарып келеді. Оның жалпы еңбек өтілі 42 жылға жуық, бұл оның еңбексүйгіштігін және өз кәсібіне деген шексіз адалдығын көрсетеді.

Өз мансабын осыдан көп жыл бұрын бастаған Сәуле ұзақ жолды артта қалдырды, сол арқылы ол тәжірибелі маманға және құтқарушылар командасының маңызды мүшесіне айналды. Жамбыл облысы ТЖД-де қызметке кіріскен алғашқы күннен бастап ол кәсіби біліктілік пен адами қасиеттердің сирек үйлесіміне ие екенін көрсетті, бұл оған қиын салада үлкен жетістіктерге жетуге мүмкіндік берді.

Қызмет еткен жылдары оған бірнеше рет құтқарушылардың төтенше жағдайлардың салдарын жою кезіндегі қиын жұмысын жариялау міндеті жүктелді. Мысалы 2013 жылы қуатты дауыл жүздеген шатырларды қиратып, ағаштар мен электр бағандарын құлатқан кезде Сәуле Қаратау және Жаңатас қалаларында оқиғаның эпиорталығында болып, жедел ақпарат жеткізді.

2021 жылдың тамыз айында Байзақ ауданындағы қайғылы оқиға кезінде Сәуле жедел штаб құрамында жарылыстың салдарын жою шаралары туралы ақпараттық қолдау ұйымдастырып, мемлекеттік органдардың әрекеттерін және журналистер мен блогерлермен жұмысты үйлестірді.

2024 жылдың ақпанында Қордай ауданында болған қар құрсауы кезінде республикалық тас жолдың жабық учаскесінде қалып қойған адамдардың аман-есен құтқарылғаны туралы нақты ақпарат беру үшін ол өзге қызмет құрылымдарымен тұрақты байланыста болды. Сол кезде оның психолог ретіндегі дағдылары да қажет болды.

ТЖ жүйесіндегі баспасөз қызметінің жұмысы  – бұл тек оқиғалар мен төтенше жағдайлар туралы жедел ақпарат таратумен шектелмейді. Сәуле қызметтің оң имиджін қалыптастыруға қатысып, медиамен байланыс орнатады. Оның еңбегінің арқасында ақпарат әрқашан тұрғындарға жылдам әрі дәл жеткізіледі, бұл байланыс саласындағы қызметкер үшін аса маңызды.

Сәуле Мунатаеваның қосқан үлесін асыра бағалау қиын. Оның білімі, тәжірибесі мен адалдығы ақпараттық науқандарды тиімді ұйымдастыруға ғана емес, сонымен бірге халықтың ТЖ жүйесіне деген сенімін арттыруға да көмектеседі. Жұмыс барысында ол әріптестеріне үлгі болып, қауіпсіздікті қамтамасыз етуде дұрыс және уақытылы коммуникацияның қаншалықты маңызды екенін көрсетті.

Сәуле Асетқызы Мунатаева – тек баспасөз қызметінің маманы ғана емес, құтқару қызметі мен қоғам арасындағы байланыстырушы буын. Оның еңбегі құтқарушылар мен өрт сөндірушілердің біздің өміріміздегі рөлінің маңыздылығын түсінуге ықпал етеді, ал оның жеке тәжірибесі мен өз ісіне адалдығы оны өз ісінің нағыз кәсіби маманына айналдырды.

Жамбыл облысы ТЖД

Ақпарат көзі: Министерство по чрезвычайным ситуациям Республики Казахстан