Бүгін Орталық коммуникациялар қызметінде өткен баспасөз мәслихатында Ауыл шаруашылығы вице-министрі Азат Сұлтанов диқандар үшін қолайсыз ауа-райы болған былтырғы жағдайдың қайталану қаупі жоқ екенін айтты.

Оның айтуынша, күз-қыс айларында жауын-шашынның көп болуы қар жамылғысының жеткілікті мөлшерде жиналуына мүмкіндік берді.

Диқандар ылғалды жабу үшін агротехникалық жұмыстарды жүргізді.

«Үкіметтің тапсырмасы бойынша ылғалды көп қажет ететін дақылдарды азайту жұмыстары жүргізілуде. Мәселен, биыл күріш 6,9 мың гектарға, мақта 16 мың гектарға қысқарды. Бұл жұмыс жалғасады», - деді вице-министр.

Табиғи тәуекелдерді азайтудың негізгі факторларының бірі – «жасыл» технологиялар мен тұрақты өндіріс, соның ішінде ресурстарды тиімді басқару, қолданыстағыларды жаңғырту және жаңа инфрақұрылымды дамыту.

Ауыл шаруашылығы тауарын өндірушілерді суды үнемдейтін технологияларды енгізуге ынталандыру мақсатында Ауыл шаруашылығы министрлігі инвестициялық субсидиялар түріндегі мемлекеттік қолдау шараларын, сондай-ақ шаруаларды сумен жабдықтау қызметтерінің құнын субсидиялауды жүзеге асырады.

2024 жылдың мамыр айынан бастап шығыстарды субсидиялау нормативі суды үнемдейтін технологияларды сатып алуға және орнатуға, сондай-ақ бүкіл төлқұжат бойынша инфрақұрылымдық инвестициялар үшін 80% құрайды, оның 30% жергілікті бюджеттен субсидияланады.

Сонымен қатар, фермерлерді заманауи су үнемдейтін технологияларды пайдалануға ынталандыру мақсатында 2023 жылғы шілдеде суару әдісіне қарай субсидиялар мөлшерін саралау бөлігінде шаруаларға су беру қызметтерінің құнын субсидиялау қағидаларына өзгерістер енгізілді.

Енгізілген өзгерістерге сәйкес, суды үнемдеу технологияларын қолданбай суару үшін өтемақы пайызы сумен қамтамасыз ету әдісіне қарамастан, үш жыл ішінде кезең-кезеңімен төмендетіліп, тариф құнына байланысты 30%-дан 55%-ға дейін болады.

Суды үнемдейтін технологиялар арқылы суару кезінде өтемақы тарифтің құнына байланысты 60%-дан 85%-ға дейін болады.

Сондай-ақ 2024 жылдан бастап Солтүстік Қазақстан облысының тәжірибесі аясында ирригациялық жобалар несиелер тізіміне енгізілді. Биылдың өзінде 44 жобаны жүзеге асыру жоспарлануда.

Бұл шаралардың барлығы қолда бар ресурстарды ұтымды пайдалануға мүмкіндік береді.

Сонымен бірге, ауа райы жағдайларына байланысты жоғалған өнімнен ауыл шаруашылығы кәсіпорындарына келетін шығынды барынша азайту мақсатында ерікті сақтандыру жүзеге асырылуда.

Бүгінгі таңда жалпы сомасы 3 млрд теңгеге 490,2 мың гектар

егіс алқабы

сақтандырылды.

Вегетациялық кезең мен егін жинауға қатысты барлық мәселелер Үкіметтің ерекше бақылауында, егер күтпеген мәселелер туындаса, олар жедел түрде шешілетін болады», - деп сөзін түйіндеді вице-министр.

Ақпарат көзі: Министерство сельского хозяйства Республики Казахстан