Қарағандыда мемлекеттік және сервистік қызмет көрсету орталығында 30 мамырда "Халық заңгері"жалпы республикалық акциясы өтеді. Барлық тілек білдірушілерге ҚР Сыбайлас жемқорлыққа қарсы іс-қимыл агенттігінің Қарағанды облысы бойынша департаментінің, Әділет департаментінің және Қарағанды облысы адвокаттар алқасының өкілдері тегін кеңес береді.

"Акцияның мақсаты-халықтың құқықтық сауаттылығын арттыру және азаматтарға тегін заңгерлік көмек көрсету. Мемлекеттік органдардың өкілдері азаматтарды қабылдайды, ал құқықтың жетекші сарапшылары кез келген құқықтық мәселелер бойынша кеңес береді. Өз ісіңіз бойынша құжаттарды өзіңізбен бірге алып келіңіз, сонда мамандар толық және сапалы ұсыныстар бере алады", - делінген ұйымдастырушылардың хабарламасында.

Акцияға қатыса алмайтындар үшін Telegram-да арнайы чат-бот іске қосылды. Оған кіргеннен кейін әңгімені бастау керек, қаланы көрсетіп, өз сұрағыңызды қою керек.

Сұрақтарға адвокаттар, нотариустар, прокурор, сот орындаушылары, мемлекеттік органдардың өкілдері жауап береді.

Қарағандыда акция Мемлекеттік және сервистік қызмет көрсету орталығында өтеді ("Арлан моторс", Тәттімбет көшесі, 709).

Басталуы 17: 00

Акцияны ұйымдастырушылар: ҚР Үкіметінің қолдауымен сыбайлас жемқорлыққа қарсы іс-қимыл агенттігі, "Параграф" ақпараттық жүйесі, Zakon.kz желілік басылымы мен Әділет министрлігі, Республикалық адвокаттар алқасы, мемлекеттік органдар, адвокаттар мен заңгерлер.

Ақпарат көзі: ГУ «Аппарат акима поселка Актас»