Бүгін облыс орталығы Талдықорған қаласында қаржы саласының қызметкерлерінің кәсіби мерекесіне орай салтанатты шара өтті.

Шара шымылдығын қала әкімі Ернат Бәзіл ақжарма тілегімен ашып, қаржы саласында қажырлы еңбек етіп, өңірдің дамуына өзіндік үлестерін қосып жүрген жандарға шынайы алғысын білдірді.

Шара аясында, қаржы саласында еңбек етіп жүрген 40-қа жуық қызметкерге облыс және қала әкімінің «Құрмет грамотасы» мен «Алғыс хаты» табыс етілді. Сондай-ақ, осы салада 30 жылға жуық табанды еңбек етіп келе жатқан Жетісу облысы бойынша қазынашылық департаменті Сарқан аудандық қазынашылық басқармасының басшысы Ғалия Орынова «Қаржы қызметінің үздігі» төсбелгімен марапатталды.

Салтанатты шара жергілікті өнерпаздардың шағын концерттік бағдарламасымен жалғасты.

Айта кетейк, 1993 жылы 15 қараша күні төл теңгеміз алғаш рет айналымға енген болатын.

Ақпарат көзі: ГУ «Аппарат Акима города Талдыкоргана»