Құс етін терең өңдеу зауыты Ақмола облысында 2024 жылы пайдалануға берілді.

Жоба мемлекеттің қатысуымен яғни Qazaqstan Investment Corporation қор қаражатын тарта отырып қаржыландырылды және бұл жоба толық ауқымды дайын тамақ комбинаты құрылысының бірінші кезеңі болып табылады.

«Екі түрдегі шницельдер, стрипсілер, наггетстер, митболдар, котлеттер сияқты өнімдердің кең ассортименті бар жылына 3300 тонна дайын өнім өндіретін жартылай фабрикаттар өндіру желісі іске қосылды. Автоматтандыру мен өнімділіктің осындай деңгейі бар зауыт Қазақстан аумағында бірінші болып табылады. 2024-2025 жылдары біз тағы бір желі қойып, жылына 10-12 мың тонна қуатқа шығуға ниеттіміз. Қазіргі уақытта инвестиция көлемі 3,7 млрд теңгені құрады. Екінші желіні орнату үшін шамамен 3 млрд теңге көлемінде қосымша инвестициялар тартылатын болады»,-деді «IL-TOV» ЖШС басшысы Михаил Шейкман.

Қазіргі уақытта компания Қазақстан аумағында өнімді сатуға кірісті және кәсіпорынды жеткізушілер тізіліміне енгізу және бюджеттік ұйымдармен ынтымақтастық жөнінде шаралар қабылдауда.

Михаил Шейкман экспорттық бағдарланған өнімдер ЕАЭО елдерінде сұранысқа ие екенін атап өтті.  

2025 жылдың ортасына қарай ЖШС жобаның екінші кезеңін - кең ассортиментте және жоғары сапада дайын, мұздатылған, толық жинақталған бірінші және екінші тағамдарды шығару жөніндегі комбинат құрылысын іске асыруға кірісуді жоспарлап отыр. Зауыт іске қосылғаннан кейін ірі жұмыс берушілердің компанияларын жоғары сапалы толыққанды мәзірмен қамтамасыз етуге және олардың бейінді емес қызмет түріне шығындарын төмендетуге кепілдік беріледі. Инвестиция сомасы шамамен 6,5-7 млрд теңгені құрайды.

Бүгінгі күні зауытта 85 адам жұмысқа орналастырылды, екінші желіні орнатқаннан кейін жұмыс орны 200-ге дейін артады.

Ақпарат көзі: Министерство сельского хозяйства Республики Казахстан