Қазақстан Республикасы Бәсекелестікті қорғау және дамыту агенттігінің Ақмола облысы бойынша департаменті 2024 жылдың 9 айында өз қызметін қорытындылады. Брифингте департамент басшысы Олжас Какенов бәсекелестікті қамтамасыз етудегі, кәсіпкерлердің құқықтарын қорғаудағы және бизнес үшін кедергілерді жоюдағы негізгі жетістіктер туралы айтты.

Есепті кезеңде монополияға қарсы заңнаманың бұзылуына қатысты 3 тергеп-тексеру аяқталды. Осындай жағдайлардың бірі «ҚТЖ ҰК» АҚ Ақмола филиалына қатысты тергеу болды. Компанияның іс-әрекеттерінде жекелеген жеткізушілерге кірме жолдарда вагондарды беру және жинау бойынша артықшылықтар беруге байланысты бәсекелестікке қарсы іс-қимылдар анықталды.

«Нәтижесінде филиал әкімшілік жауапкершілікке тартылды, сондай-ақ қызмет көрсетушілердің аттарын тиісті нұсқаулықтардан алып тастау туралы бұйрық шығарылды. Біздің міндетіміз нарықтың барлық қатысушылары үшін тең жағдайларды қамтамасыз ету болып табылады және кез келген негізсіз артықшылықтар беруге жол берілмейді», — деді департамент басшысы О. Какенов.

Сондай-ақ, «Ақмола облысының энергетика және ТКШ басқармасы» ММ қызметінде бұзушылықтар анықталды. Тексеру барысында департамент басқарма сұйытылған мұнай газының көлемін нарық субъектілері арасында біркелкі бөлуге жол бергенін анықтады. Нәтижесінде болашақта мұндай әрекеттерге жол бермеу туралы нұсқама шығарылды.

Тағы бір ірі терге «Степногорск Темір Жолы» ЖШС-не қатысты болды. ЖШС 2022 жылы вагондарды коммерциялық тексеру қызметтеріне монополиялық жоғары баға белгіледі. Нәтижесінде компания айыппұл салумен және монополиялық кірісті тәркілеумен әкімшілік жауапкершілікке тартылды.

Сонымен қатар, департамент Мемлекеттік кәсіпорындардың қызметіне мониторинг жүргізді. Тексеру барысында олардың кейбіреулері автомобиль жолдарын күтіп ұстау және ғимараттарды жөндеу сияқты бәсекелестік ортаға қатысты қызмет түрлерін жүзеге асырғаны анықталды. Нәтижесінде мұндай қызмет түрлерін жүзеге асыруды тоқтатуды талап ететін 25 ұйғарым шығарылды.

Департамент жанынан жұмыс істейтін бизнеске кедергілерді анықтау және жою жөніндегі өңірлік кеңес 19 отырыс өткізді. Талқылау нәтижесінде шағын және орта бизнес үшін жағдайды жақсарту, оның ішінде нан пісіру кәсіпорындары үшін электрмен жабдықтауға жеңілдікті тарифтер беру бойынша шаралар әзірленді.

Есепті кезеңде Департаментпен азаматтар мен заңды тұлғалардың 84 өтініші қаралды, олардың әрқайсысы бойынша нарыққа қатысушылардың бұзылған құқықтарын қалпына келтіру үшін шаралар қабылданды.

Департаменттің жұмысы қолайлы бәсекелестік орта құруға және өңір кәсіпкерлерінің мүдделерін қорғауға баса назар аудара отырып жалғастырылатын болады.

Ақпарат көзі: Агентство по защите и развитию конкуренции Республики Казахстан