Құтқарушылар балаларға қауіпсіздік ережелерін ойын түрінде жеткізеді. ТЖ департаменті Ш. Хусаинов атындағы облыстық қазақ музыкалық драма театрымен бірлесіп «Байқа балақай» балалар қауіпсіздік спектаклін дайындады.

Спектакльдің мақсаты – жас кезінен бастап балаларда қауіпсіздік мәдениетін қалыптастыру. Мектеп жасына дейінгі балаларға су айдындарындағы және өрт қауіпсіздігі мінез-құлық ережелері туралы айтылды. Сондай-ақ, балалар өрт болған жағдайда «101» нөміріне қоңырау шалу қажет екенін ұқты. Құтқарушылардың бұл бастамасы өңірдің мектепке дейінгі мекемелерінде кең қолдау тапты.

Алдағы уақытта осы спектакльді Ақмола облысының аудандарында көрсету жоспарлануда.

 Ақмола облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан