Қазақстанда өсірілетін бидайдың төрттен бірін өндіретін өңірде рекордтық өнім жинау жоспарлануда.

Жергілікті биліктің мәліметінше, егін жинау науқанының алғашқы күнінде ғана 41 мың гектар алқапқа бидай жиналған. 

Ауыл шаруашылығы тауарын өндірушілердің алдын ала деректері бойынша жалпы астық жинау 5,2 млн тоннаны құрайды, орташа өнімділігі 11,2 ц/га. Ал кейбір шаруашылықтарда - Атбасар ауданының «Шуйское» жауапкершілігі шектеулі серіктестігінде бұл көрсеткіш гектарына 25 центнерді құрайды.

Облыста барлығы 5,4 млн. га алқапта егін жинау жұмыстарын жүргізіледі, оның ішінде дәнді дақылдар 4,7 млн. га құрайды. 

Жалпы сыйымдылығы 4 млн тоннадан асатын 65 лицензияланған астық қабылдау кәсіпорындарының және 2,8 млн тоннаға арналған ауыл шаруашылығы өндірушілері бар астық қоймаларының өнімі қабылданады.

Егін жинау жұмыстарын жүргізуге 83 мың тонна дизель отынының кепілдендірілген көлемі бөлінді. Ауыл шаруашылығы техникасын дайындау бойынша да үлкен жұмыстар атқарылды. Сондай-ақ, аграршылардың машина-трактор паркі жаңартылды, жыл басынан бері 31 млрд. теңге сомасына 873 бірлік ауыл шаруашылығы техникасы сатып алынды. Ағымдағы жылдың егін жинауға 9 мыңға жуық астық жинау техникасы жұмылдырылды, олардың жартысынан астамы қазіргі заманғы өнімділігі жоғары комбайндар.

Естеріңізге сала кетейік, жақында өңірдегі барлық фермерлердің қатысуымен өткен кеңесте Ақмола облысының әкімі Марат Ахметжанов халықты басты байлықпен толық қамтамасыз ету егін жинаудың сапалы жүргізілуіне тікелей байланысты екенін атап өтті.

Ақпарат көзі: ГУ «Аппарат акима Акмолинской области»