Ақпарат берушілердің кредиттік бюроларға ұсынатын өзге де мәліметтерді айқындау туралы
Ақпарат берушілердің кредиттік бюроларға ұсынатын өзге де мәліметтерді айқындау туралы
Қазақстан Республикасының Қаржы нарығын реттеу және дамыту агенттігі (бұдан әрі – Агенттік) Басқарманың «Ақпарат берушілердің кредиттік бюроларға ұсынатын өзге де мәліметтерді айқындау туралы» 2024 жылғы 16 тамыздағы № 60 Қаулысын қабылдады.
Қаулы Мемлекет басшысы ағымдағы жылғы 19 маусымда қол қойған «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заңын іске асыру үшін қабылданды.
Заңда азаматтардың соттан тыс банкроттық рәсіміне қолжетімділігін жеңілдетуді көздейтін «Қазақстан Республикасы азаматтарының төлем қабілеттілігін қалпына келтіру және банкроттығы туралы» Қазақстан Республикасының Заңына өзгерістер мен толықтырулар енгізілді, атап айтқанда:
– борышкердің кредиторлардың алдындағы міндеттемелерін өтеудің болмауы мерзімін 18 айдан 12 айға дейін қысқарту;
– борышкердің банктік қарыз шарты және (немесе) микрокредит беру туралы шарт бойынша берешегін реттеуді және (немесе) өндіріп алуды жүргізу шараларының қабылданғанын растайтын құжатты ұсыну қажеттілігінің күшін жою.
Енді аталған мәліметтерді борышкер емес, кредиттік бюроларға кредиттік ұйымдар ұсынады.
Қаулыда берешекті реттеу талаптары және төлемге қабілетсіз қарыз алушыға қатысты қолданылатын шаралар туралы мәліметтер тізбесі белгіленеді.
Бұл борышкерді аталған құжаттар мен мәліметтерді жинау қажеттілігінен босатуға және соттан тыс банкроттық рәсіміне қолжетімділікті жеңілдетуге мүмкіндік береді.
Агенттіктің Сыртқы коммуникациялар Басқармасы
+7 (727) 237 1089
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
