Олардың бірін - Әбілқайыр хан даңғылы бойындағы (Космос аялдамасы) бос жатқан 790 шаршы метр жер учаскесін “Розовый” гүл дүкендерінің желісі абаттандырып, шағын скверге айналдырмақ. Кәсіпкер Дмитрий Бондаренко қала әкімі Азамат Бекетке алаңқайдың жобасын таныстырды.

«Сіздің ұсынысыңызды ескеріп, біз осы алаңды абаттандыру үшін жаңа жоба әзірледік. Қала үшін жасыл желек отырғызып, әдемі, шағын демалыс алаңын жабдықтап береміз. Бұл жерде жергілікті климатқа сәйкес келетін ағаш түрлерін отырғызамыз, кіші архитектуралық формалар, орындықтар қоямыз, жарықтандырамыз және балардың ойын алаңын орнатамыз. Біздің компаниямыз көптеген нысандардың құрылысын салды. Біз әрқашан сапа үшін жұмыс істейміз», - деді кәсіпкер.

Қала әкімі өз кезегінде барлық орнатылатын жабдықтар сапалы болуы және алея тамызға дейін пайдалануға берілу керектігіне тоқталды.

«Біздің ұсынысымызды қабылдағаныңызға рақмет. Биыл 11 учаскені тұрғындардың демалысына ыңғайлы алаң етіп жасақтаймыз. Оған Сіз секілді ақтөбелік кәсіпкерлер қолдау көрсетіп отыр. Барлық кеңістіктерге оларға ағаш отырғызуды, суару жүйесін тартуды, брусчаткалар төсеуді, орындықтар, урналар, кіші архитектуралық формалар, түнгі жарықтандыру шамдарын орнатуды міндеттеп отырмыз. Сіз таңдаған учаске қаланың орталығы және бірінші линияда жолдың бойында тұр. Сондықтан, сквер сәнді және сапалы болуы керек. Оған күш саласыз деп сенемін», - деді Азамат Бекет.

Айта кету керек, бұл учаске жеке кәсіпкердің иелігінде болып, ол дүкен құрылысын салу үшін өткен жылы ағаштарды кескен болатын. Қала әкімі құрылысты тоқтатып, бұл учаскені мемлекет қорына қайтарды және шағын сквер етіп абаттандыру үшін демеуші тартты.

Еске салсақ, шаһарымыздағы ірі кәсіпорындар қала әкімі Азамат Бекеттің Ақтөбені абаттандыруға үлес қосу туралы үндеуін қабыл алып, бос жатқан аумақтарда шағын аллеялар мен скверлер жасауды қолға алып бастады. Өткен жылы “Зерде керамика Ақтөбе”, “Анвар”, “Көктас Ақтөбе”, «IC Petroleum» компаниялары және Ақтөбе металл конструкциялары зауыты қалада бос жатқан 5 алаңқайды абаттандырып, тұрғындар отырып демалатын шағын скверлер жасақтап қойды. Бұл жұмыс биыл да жалғасып, қала әкімінің ұсынысын қолдаған өзге де компаниялар тағы да 11 учаскені қоғамдық кеңістіктерге айналдыруға уәде беріп отыр.

Оның біріншісі - Алтын Орда ауданында, Мәңігілік ел көшесіндегі аумақ. Өткен күзде қарағайлар отырғызылған бұл орынды енді “Зерде Керамика Ақтөбе” ЖШС шағын сквер ретінде абаттандырып береміз деп отыр.

Бұдан кейін М.Маметова көшесінің бойындағы “Керуен” ойын-сауық, сауда орталығына қарсы беттегі бос жатқан учаскесін абаттандыруды “Алихан ОЙЛ 3” ЖШС міндетіне алды.

Ал Есет батыр (Нұр Ақтөбе) тұрғын алабында мектеп пен көпқабатты үйлердің арасындағы бос кеңістікті абаттандыруға “Анвар” сауда желісі міндеттеніп отыр. Олар бұл жерге тұрғындардың демалысына арналған сквер салады, көгалдандырады, суару жүйесін орнатады.

Ақпарат көзі: ГУ «Аппарат акима города Актобе»