2-3 шілде күндері Адам құқықтары жөніндегі уәкіл кеңсесінің бастамасымен Азаптауға қарсы ұлттық алдын алу тетігінің қатысушылары үшін «ҰАТ қатысушыларына жабық мекемелердің мониторингі және есеп беру бойынша ұсыныстар» тақырыбында онлайн семинар өтуде.Семинар барысында қатысушыларға түрме, уақытша ұстау изоляторлары, психиатриялық ауруханалар сияқты және т.б. жабық мекемелерге мониторинг жүргізу бойынша озық тәжірибелер және практикалық ұсыныстар таныстырылады. Мониторинг нәтижесі бойынша есептерді құрастыру процесіне ерекше назар аударылады.Сонымен қатар семинарда практикалық жаттығулар мен топтық талқылаулар жүргізіліп, қатысушыларға тәжірибе алмасуға және ортақ мәселелерді шешудің бірлескен тәсілдерін дамытуға мүмкіндік беріледі.Айта кету керек, мұндай іс-шаралар қатысушылардың кәсіби өсуіне ғана емес, барлық мүдделі тараптар арасындағы ынтымақтастық пен өзара түсіністікті нығайтуға ықпал етеді.Естеріңізге сала кетейік, биыл Қазақстандағы ҰАТ институтына 11 жыл толады. 2013 жылғы 2 шілдеде Мемлекет басшысы «Қазақстан Республикасының кейбір заңнамалық актілеріне азаптаулардың және басқа да қатыгез, адамгершілікке жатпайтын немесе ар-намысты қорлайтын іс-әрекеттер мен жазалардың алдын алуға бағытталған ұлттық алдын алу тетігін құру мәселелері бойынша өзгерістер мен толықтырулар енгізу туралы» Заңға қол қойды.

Ақпарат көзі: Қазақстан Республикасындағы Адам құқықтары жөніндегі уәкіл