Солтүстік Қазақстан облысының Өңірлік коммуникациялар қызметінің брифингінде агенттіктің есепті кезеңдегі бәсекелестікті қорғау және дамыту департаменті жұмысының негізгі нәтижелері айтылды. Іс-шара барысында Департамент басшысының орынбасары Аслан Әліпбаев жұмыстың негізгі бағыттары мен жетістіктерін атап өтті.

Маңызды бағыттардың бірі тауар нарықтарындағы бәсекелестіктің жай-күйіне талдау жүргізу болып табылады. 2024 жылдың 9 айында департамент тауық жұмыртқаларын өндіру және көтерме сату, сұйытылған мұнай газын сату, лифттерге қызмет көрсету, домофог жүйелерін орнату және тіркелген байланыс қызметтері сияқты салаларды қамтитын 13 талдауды аяқтады.

Сонымен қатар, Департамент мемлекеттік кәсіпорындарға монополияға қарсы заңнама талаптарының сақталуына мониторинг жүргізеді. Осы жұмыс шеңберінде 29 мемлекеттік ұйым тексеріліп, СҚО әкімдігінің денсаулық сақтау басқармасына қызмет түрлерін нақтылау бөлігінде бірқатар медициналық ұйымдардың Жарғыларына өзгерістер енгізу үшін 4 нұсқама жіберілді.

«Департамент монополиясыздандыру және бәсекелестікті дамыту бойынша ұсыныстар енгізуде. Есепті кезеңде мемлекеттік органдарға 29 ұсыныс жіберілді, оның 14-і қолдау тапты. Бұл шаралар өңірде де, елде де бизнес-ахуалды жақсартуға бағытталған», - деді директоры орынбасары.

Монополияға қарсы заңнаманы бұзушылықтардың алдын алудың тиімді құралдарының бірі бұзушылық белгілерінің болуы туралы хабарламалар болып табылады. 2024 жылдың 9 айында Департамент осындай 4 хабарлама жіберді және олардың барлығы толық көлемде орындалды.

Жұмыстың маңызды элементі нарық субъектілеріне монополияға қарсы заңнаманы бұзушылықтарды уақтылы анықтауға және жоюға көмектесетін 27 монополияға қарсы комплаенс қорытындысы болды. Комплаенстер ЖЖМ, СМГ және басқа да нарықтарда жұмыс істейтін кәсіпорындармен жасалды.

Бұдан басқа, монополияға қарсы органның базасында құрамына азаматтық қоғам мен бизнес өкілдері кіретін тосқауылдар жөніндегі өңірлік кеңес жұмыс істеуді жалғастыруда. Есепті кезеңде Кеңес 15 отырыс өткізді, оның барысында жолаушылар тасымалы және мектепке дейінгі білім беру саласындағы заңнаманы жетілдіру сияқты маңызды мәселелер талқыланды.

Ашықтықты және қоғаммен өзара іс-қимылды арттыру мақсатында Департамент әлеуметтік желілерде және Telegram-арнада жаңалықтар жарияланатын және тұтынушылар арасында сауалнамалар жүргізілетін беттерді белсенді жүргізеді. Есепті кезеңде монополияға қарсы органның қызметі туралы 50-ден астам материалдар жарияланды.

Департаменттің жұмысы өңірде адал бәсекелестікті қамтамасыз етуге және кәсіпкерлікті қолдауға баса назар аудара отырып, сол бағытта жалғасатын болады.

Ақпарат көзі: Агентство по защите и развитию конкуренции Республики Казахстан