Дүниежүзілік алғашқы көмек көрсету күні және Апаттар медицина орталығының құрылғанына 30 жыл толуына орай Шығыс Қазақстан облысы ТЖД-да кәсіби өрт сөндірушілер мен құтқарушылар командалары арасында жарыс өтті.

Түрлі төтенше жағдайларда зардап шеккендерге алғашқы көмек көрсету қажет болды. Апатқа ұшырағандардың рөлін «Жас құтқарушы» орталығының тәрбиеленушілері ойнады, олар шұғыл жағдайды шынайы түрде көрсетті. Көмекке келген мамандар іс-қимылға жылдам кірісті, себебі әр секунд есепте тұр. Сынықтар, ұзақ қысу синдромы, күйіктер, қан кетулер кезінде көмек көрсету қажет болды. Қатысушылар арнайы манекенде реанимациялық іс-қимылдарда да өз дағдыларын көрсетті.

Жарысты ұйымдастыруға ҚР Қызыл Жарты Ай қоғамы филиалының қызметкерлері үлкен көмек көрсетті.

«Өрт сөндірушілер мен құтқарушылар оқиға орнына бірінші болып келеді, өйткені алғашқы көмек көрсету дағдылары – бұл олардың жұмысындағы қажеттілік. Адамға зиян келтірмеу, бәрін де жедел және дұрыс жасау өте маңызды», - деп ТЖД мамандандырылған жасағының бастығы Аян Қисамбин атап өтті.

Жарыс төрешілері, Апаттар медицинасы орталығы филиалының дәрігерлері және ҚР Қызыл Жарты Ай қоғамы филиалының қызметкерлері тура және әділ бағаларын беріп, кемшіліктерді  атап көрсетті.

«Сайысқа қатысушылардың әрқайсысы жинаған қорытынды балдарына қарамастан жеңімпаз болып табылады, өйткені мұндай іс-шаралар білімді, іскерлікті және көмек көрсету дағдыларын жетілдіруге көмектеседі, сондай-ақ осы білімді халыққа жеткізуге ықпал етеді», - деп ҚР Қызыл Жарты Ай қоғамы филиалының директоры Шолпан Қасенова атап өтті.

ШҚО ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан