Қала әкімі Ернат Бәзіл аймақ спортшыларын кәсіби мерекесімен құттықтады

16 Тамыз 2024 жылдың 10 Алматы облысы ГУ «Аппарат Акима города Талдыкоргана»

Бүгін Талдықорған қаласының әкімі Ернат Бәзіл спортшылар күніне орай ұйымдастырылған салтанатты шараға қатысып, спорт ардагерлері мен түрлі жарыстардың жеңімпаздарын кәсіби мерекелерімен құттықтады.«Біздің спортшыларымыздың жетістіктері бізді рухтандырып, жігерлендіріп, Елімізге деген үлкен мақтаныш сезімін ұялатады. Бұған дәлел Париж Олимпиадасындағы алтын медаль иегері дзюдошы әлемді таң қалдырған Елдос Сметовтың абройлы жеңісі деп білеміз. Біздің спортшыларымыз да төрткүл әлем көз тіккен байрақты бәсекелерде Қазақстан намысын абыроймен қорғап келеді. Бұл біз үшін үлкен жеңіс», - деді қала әкімі.Шара барысында қала әкімі бірқатар спортшыларға дене шынықтыру және спортты дамытуға сіңірген еңбегі үшін алғыс хаттар мен түрлі сыйлықтар табыстап, естелік суретке түсті.Сонымен қатар, Жетісу өлкесін шартарапқа танытып жүрген жас шабандоз жерлесіміз Хамза Амангелдіге және оның әкесі Марлан Бектеновке де «Жетісу Батыры» төс белгісі беріліп, сый-құрмет көрсетілді.

Ақпарат көзі: ГУ «Аппарат Акима города Талдыкоргана»

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz