Қала әкімі мемлекеттік қызметшілерді келіп жеткен кәсіби мерекелерімен құттықтадыБүгін қала әкімдігінің мәжіліс залында 23 маусым Мемлекеттік қызметшілер күніне орай салтанатты шара өтті.      Жиында қала әкімі Ернат Бәзіл барша мемлекеттік қызметшілерді кәсіби мерекелерімен құттықтап, ақжарма тілегін арнады.Қала әкімі Ернат Бәзіл өз сөзінде, мемлекетіміздің әл-ауқатын арттыру және олардың болашағын жақсартуға бағытталған мемлекеттік бағдарламаларды іске асырудағы мемлекеттік қызметшінің рөлін, оларға жүктелген міндеттің ауқымдылығын, мемлекеттік қызметтің маңыздылығын, мемлекеттік саясатты іске асырушы қауым – мемлекеттік қызметшілердің бүгінгі рөлі, мойнындағы міндеттері үлкен жауапкершілікті қажет ететіндігін атап өтті.       Салтанатты шара марапаттау рәсімімен жалғасты. Онда қаламыздың дамуына өзіндік үлес қосқан мемлекеттік қызметшілерге облыс және қала әкімінің Құрмет грамотасы және Алғыс хаты табыс етілді.       Сонымен қатар, мемлекеттік қызметке жаңа қадам басқан 3 қызметкер жиналған қауым алдында ресми түрде ант қабылдады.      Айта кетейік, бүгінгі таңда қалалық әкімдікте 114 мемлекеттік қызметшілер бар болса, солардың 38-і жас маман.

Ақпарат көзі: ГУ «Аппарат Акима города Талдыкоргана»