Алматыда тұрғындарға көшеттерді тегін тарату бойынша «Жасыл аула» акциясының алғашқы кезеңі аяқталды. Күзгі маусымда қала тұрғындарынан 305 өтінім түсіп, оның ішінде 1156 көшет отырғызуға 133 өтінім мақұлданды. Ең белсенді аудандар – Әуезов, Бостандық және Алатау болды.

Көшеттер 12 және 13 қазан күндері Алматы қаласы, Юрий Ким көшесі, 9 мекенжайы бойынша ( «Eco Almaty» ЖШС) және әр ауданның комьюнити-орталықтарында таратылады. Көшеттердің негізгі бөлігі «Eco Almaty» ЖШС базасында, ал комьюнити-орталықтарда 100 данаға дейін беріледі.

Акция аясында қайың, шегіршін, алма, сәнағаш, қарағаш және бұталар көшеттері дайындалды. Көшеттер «Жасыл екпелерді күтіп ұстау және қорғау ережелерінің» барлық талабына сай: биіктігі кемінде 2,5 м, топырақпен қоса және діңінің жоғарғы тамыр жүйесінен бастап диаметрі кемінде 3 см.

Айта кетейік, жыл сайынғы «Жасыл аула» акциясы аясында соңғы жылдары Алматы қаласында 20 мыңнан астам көшет отырғызылды.

Ақпарат көзі: КГУ «Аппарат акима города Алматы»