АМЕРИКАНДЫҚ БІЛІМ: KOZYBAYEV UNIVERSITY СТУДЕНТІ ҚОС ДИПЛОМ БАҒДАРЛАМАСЫНЫҢ МҮМКІНДІКТЕРІ ТУРАЛЫ

Амир Агзамов "Биотехнология" бағыты бойынша Қозыбаев университеті мен Аризона университетінің қос дипломдық бағдарламасында оқиды.

Оқу толығымен ағылшын тілінде, ал дәрістерді Қазақстан мен АҚШ-тың жетекші профессорлары жүргізетіндіктен, 3 курс студенті "NUS Amgen Scholars Program 2024" шетелде тағылымдамадан өту бағдарламасына түсті. Қазіргі уақытта, ол Сингапур Ұлттық университетінде өтіп жатыр.

Амир Қозыбаев университетінің Халықаралық бағдарламаларында білім алады. Оның айтуынша, студенттердің әлемді көруге, тәжірибе жинақтауға және өздерінің кәсіби дағдыларын жетілдіруге мүмкіндіктері артуда. Келесі жылы ол, бір семестр бойы Америкаға оқуға барады. Оқуды аяқтаған соң бірден екі диплом алады.

Естеріңізге сала кетейік, қазақстандық талапкерлер үшін қос дипломды бағдарламаларға қабылдау Қозыбаев университетінде тек гранттар бойынша жүргізіледі. Құжаттарды 24 шілдеге дейін тапсыруға болады.

бейнематериал

Ақпарат көзі: Қазақстан Республикасы Ғылым және жоғары білім министрлігі