Ақтөбеліктер кассирсіз микромаркет, мәтіннен бейне генерациялау алаңы, диабетпен ауыратындарға арналған AI көмекшісі және басқа да жобалар жасады. Бұл - Aqtobe Hub стартап-инкубаторындағы үш айлық жұмыстың нәтижесі."Инкубатор аясында 13 стартап құрылды, оның 5-і тіпті алғашқы сатылымдарын бастады. Перспективалық стартаптар алдағы уақытта Astana Hub бағдарламаларына қатысып, өз жобаларын дамыту мүмкіндігіне ие болады", - деді Aqtobe Hub өңірлік менеджері Серік Сүндетов ."Менің ІТ саласында ешқандай тәжірибем болмаған, бірақ отбасылық дәрігер ретінде қант диабетімен ауыратын науқастарға тамақтану бойынша қолжетімді және түсінікті ақпарат қажет екенін түсіндім. Сондықтан инкубаторға келіп, AI негіздерін, өнімді қалай жасау керектігін үйрендім. Осылайша менің стартапым - диета таңдауға көмектесетін AI кеңесші пайда болды, - дейді AI Сахарок жобасының негізін қалаушы Айдана Таңғұлова.Инкубатор аясында Sen, TextToVideos, AI Сахарок, Гистология Симпл, Smart Assistant, Wowenbek, Algadem, Basymai, Compliance, Релактация, Talasai, Umit, Mille Pharm стартаптарының негізі қаланды.

Толығырақ платформада https://astanahub.com/kk/article/aqtobe-hub-vypustil-pervuiu-volnu-startapov-13-proektov-za-tri-mesiatsa 

Ақпарат көзі: ГУ «Акимат Актюбинской области»