Қазіргі уақытта ауданда жағдай тұрақты, жаңа жану ошақтары анықталған жоқ. Өрт болған жерді оқшаулау жолағы бойын қарау арқылы қарауылдау жүргізілуде. Жану алаңын нақтылау бойынша жұмыстар жүргізілуде.

Өртті жоюға ТЖД, ПД, ТЖМ әскери бөлімдерінен, Орман және жануарлар дүниесін қорғау бойынша Кувский шаруашылығынан, «Қарағанды орман және жануарлар дүниесін қорғау жөніндегі шаруашылық» КММ, Қарағанды мемлекеттік ұлттық табиғи паркінен жалпы саны 306 адам және 37 бірлік техника күштері мен құралдары жұмылдырылды.

Өртті жою барысында әуеден өрт ошақтарына 62 рет жалпы көлемі 112 текше метр су төгілді. 

Біз жағдайды бақылауды жалғастырамыз және өртті тез арада  сөндіруге қолдан келгеннің бәрін жасаймыз.

Қарағанды облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан