Қарқаралы ауданы Егіндібұлақ ауылының мәдени-демалыс орталығы үшін жаңа шағын автобус сыйға берілді.

Көлікті Егіндібұлақ ауылдық округіне жататын 10 елді мекеннің клубтары пайдалана алады.

– Бірнеше жыл бұрын Егіндібұлақ ауылының МДО ғимараты күрделі жөндеуден өтті. Биыл оған шағын автобус сатып алдық. Жергілікті "Замандастар" ардагерлер ұжымының сахналық костюмдерін жаңартамыз. Ауылдың халық театрына 50 жыл толды және оған бірінші жетекшісі Шахман Мағазовтың есімі берілді. Ауданда барлығы 10 халық ұжымы бар, олардың үшеуі Егіндібұлақта, – деді Қарқаралы ауданының әкімі Әділжан Арғынов.

Орталықта 17 үйірме жұмыс істейді, онда 200-ден астам бала айналысады. Ал Егіндібұлақ ауылдық округінің мәдениет үйлеріндегі әр түрлі шығармашылық студияларға 8 жастан 18 жасқа дейінгі 800 жас талант келеді.

–  Біздің орталықта Тәттімбет атындағы халық аспаптар оркестрі, "Замандастар" ардагерлерінің хор ұжымы, коворкинг, түрлі балалар үйірмелері бар. Біздің шығармашылық ұжымдар конкурстарға жиі барады, көшпелі концерттер мен театрлық қойылымдар өткізеді. Бізге көлік қажет. Бізде "Газель" болды, бірақ ол өз мерзімін өтеп бітті, – дейді МДО директоры Кәмшат Бабағұлова.

Қарқаралы ауданында Мәдениет нысандары кезең-кезеңімен жөнделуде. Биыл Қарқаралы және Қарағайлы мәдениет үйлері, Қаракөл ауылындағы клуб және Қарқаралы балалар кітапханасы күрделі жөндеуден өтуде.

Ақпарат көзі: ГУ «Аппарат акима Карагандинской области»