Қарқаралы ауданының алты ауылында су құбыры желілерінің құрылысы жалғасуда. Тағы тоғызында блок-модульдік сорғы станциялары орнатылады. Бұл жобалар ауыл тұрғындарын сапалы ауыз сумен қамтамасыз етуі тиіс. 

6 ауылдың қатарына Қарағайлы кенті, 

Бүркітті, 

Теректі, Угар, Матақ және Томар ауылдары кіреді. 

Күзде алғашқы болып Угар, Матақ және Томар тұрғындары сумен қамтамасыз етіледі.

– Угар және Томар ауылдық округтерінде су құбырлары болған, бірақ жөнді жұмыс істемеді. Сондықтан ауыл тұрғындары құдық суын пайдалануға мәжбүр болған. Бірақ ондағы су тұзды. Енді осы ауылдарда жаңа желілер салынады. Жұмыстар қазірдің өзінде 70 пайызға орындалды. Қалған елді мекендерде жұмыс жалғасуда, бұл ауыспалы жобалар, – деді Қарқаралы ауданының құрылыс, сәулет және қала құрылысы бөлімінің басшысы Талғат Омаров.

Сондай-ақ, ауданда Жарлы-Қарқаралы су құбырының құрылысы аяқталуда, ол қаладағы су тапшылығы мәселесін шешуге көмектеседі.

Блоктық-модульдік сорғы станциялары 200 адамға жуық тұрғыны бар ауылдарда орнатылады. Бұл Бастал, Мыржық, Белдеутас, Милыбұлақ, Жалпақішілік, Қарыншы, Қызылшілік, Аққора және Шөптікөл.

– Қарыншы мен Жалпақішілікте жұмыстар аяқталды. Жаз айларында басқа ауылдарда да жаңа сорғы станциялары орнатылады. Осы жобалардың барлығын орындалса аудандағы сапалы ауыз сумен қамтамасыз ету көрсеткішін 93 пайызға дейін жеткізуге мүмкіндік береді, – дейді Қарқаралы ауданының ТКШ, ЖК және АЖ бөлімінің басшысы Қуандық Таласбаев.

Ауданда медициналық көмектің қолжетімділігіне де көп көңіл бөлінеді. 13 ауылда ФАП, медициналық пункттер мен дәрігерлік амбулаториялар салынуда.

Ақпарат көзі: ГУ «Аппарат акима Карагандинской области»