Биыл жергілікті органдардың құрылғанына 30 жыл толды. Осы уақытта мәслихаттар – тұрғындардың мүддесін қорғайтын, халық пен биліктің көпіріне айналды.

Достық үйінде Қарағанды қалалық мәслихат депутаттарын мерейтойымен құттықтады. Кездесуге түрлі шақырылымдардың өкілдері келді.

Қарағанды облысының әкімі Ермағанбет Бөлекпаев мәслихаттар мен депутаттар рөлінің маңыздылығын атап өтті.

– Мажоритарлық округтерді қайтарған реформа мәслихаттарға дамуға жаңа серпін берді. Бүгінде депутаттар тұрғындардың тікелей дауыс беруімен сайланады және бұл үлкен жауапкершілік жүктейді. Мұның бәрі біздің ортақ мақсатымыз – тұрғындардың әл-ауқатын арттыру, қабылданатын шешімдердің ашықтығын қамтамасыз ету үшін жұмыс істеуі тиіс. Біз сіздермен көп жұмыс жасадық, бірақ алда Президент қойған көптеген жоспарлар мен өршіл міндеттер тұр, – деді өңір басшысы.

Қарағанды облыстық мәслихатының төрағасы Нұркен Қобжанов әріптестерін құттықтап, жұмыстарына сәттілік тіледі.

– Бүгін мұнда барлық сегіз шақырылымның депутаттары жиналды. Біздің барлығымыз үшін бұл 30 жыл бұрын Мемлекет басшысы жарлыққа қол қойып, алғашқы мәслихаттар сайланған тарихи күн, – дейді Нұркен Қобжанов. – Көбіңіз қалалық мәслихат арқылы өттіңіздер, қазір облыстық мәслихатта табысты еңбек етудесіздер. Барлық депутаттарға амандық, тұрғындардың игілігі үшін шығармашылық және жемісті жұмыс тілеймін.

Ақпарат көзі: ГУ «Аппарат акима Карагандинской области»