Қарағанды облыстық бейнелеу өнері мұражайында өткен "Туғанда дүние есігін ашады өлең" атты әдеби-поэзиялық кеште Зағип

және нашар көретін көркемөнерпаздар үйінің қатысушылары Ұлы Абайдың өлеңдерін оқып, әндерін орындады. 

Сондай-ақ мұражайда Абай күніне арналған көрме жұмыс істейді.

– Кеш 10 тамызда атап өтілетін Абай күніне арналған. Біз зағип және нашар көретін 20 көркемөнерпазбен бірге Абай шығармасының негізінде 15 нөмірден тұратын әдеби-музыкалық композиция дайындадық. Зағип адам үшін Абай шығармашылығы ерекше маңызға ие, өйткені оның шығармалары қиындықтарды жеңуге, рухани өмір сүруге және дамуға күш береді, – дейді Зағип және нашар көретіндер мәдениет үйінің басшысы Полина Угланова.

18 тамызға дейін мұражайға келушілер Абайға арналған көрмемен таныса алады. 

Суретшілер ойшылдың философиялық және поэтикалық идеяларын кескіндеме жұмыстарына енгізді.

– Біздің музейде әдеби-поэтикалық кештің өтуі кездейсоқ емес: бүгін бізде "түстер де сөзді бояйды" өнер зертханасы аясында көрме басталды. Онда қазақстандық, атап айтқанда қарағандылық және ресейлік суретшілердің жұмыстары бар. Олардың барлығы Абайдың шығармашылығы, өмірі мен қызметі туралы айтады. Экспозицияда 30-дан астам туынды бар.Олар кескіндеме, графика, мүсін, сәндік-қолданбалы өнер. 20 ғасырдың 60-жылдарынан бастап қазіргі кезеңге дейінгі жұмыстар ұсынылды, – деді музей басшысы Бибігүл Құдабаева.

Ақпарат көзі: ГУ «Аппарат акима Карагандинской области»