Қарағанды қаласының Достық үйінде белгілі қазақ ақыны және жазушысы Сәкен Сейфуллиннің туғанына 130 жыл толуына орай "Сырлы Сәкен" облыстық байқауы өтті. Ең үздік мәнерлеп оқу шеберлері мен музыкалық орындаушылар іріктелді.

Байқауға Қарағанды, Теміртау, Абай, Саран, Нұра, Бұқар Жырау және Осакаров аудандарынан түрлі этностар мен этномәдени бірлестіктердің өкілдері қатысты. Қатысушылар екі номинация бойынша бақ сынасты - "Сәкеннің сыр сандығынан" және "Сәкен сері әндері". Арнайы қазылар алқасы қатысушылардың қазақ тілін қаншалықты меңгергенін және қазіргі қазақ әдебиетінің негізін қалаушы Сәкен Сейфуллиннің шығармашылығын қаншалықты терең түсінгенін бағалады.

"Сәкен сері әндері" номинациясы бойынша үздік атанған Виктория Аленина – Гагарин атындағы мектеп оқушысы (Бұқар Жырау ауданы). Он алты жастағы қатысушы "Біздің жақта" шығармасымен өнер көрсетті. Бойжеткен өлеңді домбырамен сүйемелдеді.

– Мен бұл байқауға қатысуға бел буған себебім, Сәкен Сейфуллиннің шығармашылығы маған өте ұнайды. Көрнекті ақын туралы көп нәрсе білдім, өзім үшін жаңа шығармаларды естідім. Қазақ тілін үйреніп жүргеніме көп болған жоқ, ол мені әуезділігімен тартады, – дейді Виктория.

Бұл номинацияда екінші орын "Понтос" грек мәдени орталығының (Теміртау) өкілі Мария Григориадине бұйырды. Үшінші орынды Ростов (Бұқар Жырау ауданы) ауылының тұрғыны Надежда Тункина иеленді.

"Сәкенің сыр сандығынан" номинациясы бойынша бірінші орынды Volkstimme неміс орталығының (Теміртау) өкілі Анастасия Ткаченкова иеленді. Екінші орында Дилек Тулум-Сәкен Сейфуллин атындағы гимназия оқушысы (Қарағанды). Көшбасшылар үштігін "Согласие" орыс мәдени орталығының өкілі Виктория Естремская тұйықтады.

Байқау жеңімпаздары дипломдармен және ақшалай сыйлықтармен марапатталды. Барлық басқа қатысушылар мен олардың басшыларына алғыс хаттар мен кәдесыйлар табысталды.

"Сырлы Сәкен" байқауының ұйымдастырушысы – "Қоғамдық келісім" КММ.

Ақпарат көзі: ГУ «Аппарат акима Карагандинской области»