Дәстүрлі күзгі халықаралық "Әуенді Сарыарқа" фестивалі Қарағанды брендтерінің біріне айналды. Биыл бұл шараның мерейтойы, фестиваль 25-ші рет өткізіледі. 

Бес күн бойы, 15–19 қазан аралығында көрермендер әртүрлі стильдер мен жанрлардағы музыканы тыңдайды: классикалық, халықтық, үрмелі, джаз. Қазақстан, Қырғызстан, Армения және Бельгия әртістері өнер көрсетеді.

Фестиваль 15 қазан сағат 18:30-да К. Станиславский атындағы театр сахнасында "Арқа сазы" фольклорлық ансамблінің концертімен ашылады. Атақты этномузыкант Еділ Құсайынов, танымал қазақ халық фольклорының әншісі Дәуренбек Аркенов өнер көрсетеді. Дәстүрлі қазақ әндерін халықаралық байқаулар лауреаттарының орындауында да тыңдауға болады.

16 қазан күні сағат 18:30-да Кеншілер мәдениет сарайында ҚР Мемлекеттік үрмелі оркестрінің концерті өтеді. Солистер - ҚР еңбек сіңірген қайраткері, баритон Игорь Благодарный; меццо-сопрано дауыспен ән шырқайтын халықаралық байқаулардың лауреаты Береке Еңкебаева. Көркемдік жетекші және бас дирижер – ҚР еңбек сіңірген қайраткері, профессор Қанат Ахметов. Дирижер – Жанат Әбілқасымов.

Келесі күні, 17 қазанда, "Шалқыма" концерт залында Тәттімбет атындағы Қазақ халық аспаптар Академиялық оркестрінің сүйемелдеуімен Қырғызстаннан келген қонақ Айбек Саралаев (вокал) және ҚР Мәдениет қайраткері домбырашы Олжас Сүлейменов өнер көрсетеді. Дирижерлік пультте екі маэстро – Ерлан Бақтыгерей және Қырғызстанның Халық әртісі Бақыт Тілегенов болады. Концерттің басталуы сағат 18:30-да.

18 қазан сағат 18:30-да "Шалқыма" концерт залында Е. Рахмадиев атындағы Қарағанды академиялық симфониялық оркестрінің концерті өтеді. Солист - халықаралық конкурстардың лауреаты скрипкашы Меруерт Карменова (Бельгия). Дирижер – Айдар Торыбаев (Украина).

19 қазан күні сағат 17:00-де С. Сейфуллин атындағы Қаздрамтеатр сахнасында қарағандылық джаз оркестрі өзінің 32-ші концерттік маусымын ашады. Армениядан келген қонақтар - пианиношы Рафаэль Петросян және вокалист Сона Гюлхасян биг-бендпен бірлесіп, өнер көрсетеді. Дирижер – ҚР еңбек сіңірген қайраткері Игорь Андрейченко.

Ақпарат көзі: ГУ «Аппарат акима Карагандинской области»