Е. А. Бөкетов атындағы Қарағанды зерттеу университетінде қоғам және мемлекет қайраткері Бертіс бидің туғанына 390 жыл толуына орай "Қарқаралы хан Бертіс және оның заманы" атты Халықаралық ғылыми-практикалық конференция өтті.

Замандастары оны Қарқаралы-хан Бертіс деп атаған.

Зерттеуші ғалымдар Қазақ хандығының көрнекті қайраткері, білікті шешен Бертіс ханның қоғамдық-саяси өмірі мен тұлғасы және оның қазақ мемлекеттілігін нығайтудағы тарихи рөлі туралы ғылыми баяндамалар жасап, Қазақстан тарихының өзекті мәселелерін талқылады.

Конференцияға қатысушылар Бертіс Шаншарұлы қазақтар мен жоңғарлар арасындағы соғыс жылдарында өз жері үшін күрескен билер арасында ерекше орын алатынын атап өтіп, оның жеке басы мен қызметі тарихшылардың зерттеу объектісіне айналуы тиіс екенін атап өтті.

– Бертіс Шаншарұлының ұрпақтары Қазақстан тарихында елеулі із қалдырды. Атап айтқанда, күйші Тәттімбет Қазанғапұлы, Абай Құнанбайұлының анасы Ұлжан Бертіс Шаншарұлының тікелей ұрпақтары. Зерттеуді жалғастыру қажет, – дейді Мемлекет және қоғам қайраткері Берік Камалиев.

Конференцияда Бертіс хан туралы деректі фильмдер өндірісі жақын арада басталатынын атап өтті.

"Бертіс ұрпақтары қоғамдық қайырмалдық қоры" қайырымдылық қорының төрағасы Бағдат Сейтбатталов Бертіс бидің туғанына 390 жыл толатынын айтты.

– 28 маусымда Егіндібұлақта Бертіске ескерткіш ашамыз, ал 29 маусымда ас береміз. Ұлттық спорт түрлері болады, балалар арасында жүгіру жарыстары өтеді. Сондай-ақ, Шымкенттен келген "Шаншар" театры мен жергілікті әртістердің қатысуымен үлкен концерттік бағдарлама жоспарланған. Біздің қор қайырымдылықпен де айналысады, – дейді Бағдат Сейтбатталов.

Ақпарат көзі: ГУ «Аппарат акима Карагандинской области»