Қазақстанда жаңа кәсіби мереке – Жоғары білім қызметкерлері күні пайда болды. Ол алғаш рет 1 қазанда атап өтілді. Әбілқас Сағынов атындағы Қарағанды техникалық университетінде өткен салтанатты жиында қызметкерлерге ғылымның дамуына қосқан үлесі үшін марапаттар табысталды.

ЖОО-да барлығы 571 оқытушы жұмыс істейді, оның ішінде 29 ғылым докторы, 150 кандидат, 84 PhD докторы бар.

-  Бұл тек профессор-оқытушылар құрамының ғана емес, жоғары білім беру саласында жұмыс істейтін барлық қызметкерлердің мерекесі. Бұл біздің еңбегіміздің имиджін арттыруға мүмкіндік береді, - деді Ә. Сағынов атындағы ҚарТУ ректоры Сәуле Сағынтаева.

Университеттің бірқатар қызметкерлері ведомстволық наградалармен марапатталды. "Ғылымға сіңірген еңбегі үшін" төсбелгілері мен Құрмет грамоталары табысталды.

Мысалы, техника ғылымдарының докторы, профессор Владимир Демин тау-кен-көмір өнеркәсібіндегі әзірлемелері үшін атап өтілді.

Техника ғылымдарының докторы, доцент Кәкім Бейсембаев "Технологиялық жабдық, машина жасау және стандарттау" кафедрасында еңбек етеді. Оның зерттеулері сонымен қатар көмір өнеркәсібіндегі технологияны жетілдірумен де байланысты.

Тіл саясатын ілгерілету және қазақ тілін дамытқаны үшін оқытушы Нұргүл Нығметоваға да сыйлық табысталды. Ол оқу құралдарының, электронды оқулықтардың авторы.

Студенттер бұл күні мерекелік концерт дайындады.

Ақпарат көзі: ГУ «Аппарат акима Карагандинской области»