Қарағанды қаласының "Алтын ғасыр" галереясында 7 қыркүйекте жаңа көрме жұмыс істей бастайды. Шығармашылық кеңістіктің қабырғалары ҚР Суретшілер Одағының мүшесі Павел Андреюктің суреттерімен безендіріледі. Экспозиция кеншілер астанасының 90 жылдығына және Қарағанды Суретшілер Одағының 60 жылдығына арналған.

Павел Андреюк 1941 жылы Омбы көркемсурет училищесінің үш курсын бітірді. Содан кейін ол майданға аттанған. Ол ҚР Суретшілер одағының Қарағанды облыстық ұйымын құрушылардың бірі.

Суретші және график, Андреюк пейзаждар мен портреттер салуды жөн көрді. Қарағандыда алғашқылардың бірі болып индустриалды және қалалық ландшафтқа бет бұрды. Оның суреттерінде шахталар, террикондар, салынып жатқан Қарағанды көшелері жақсы танылады.

– Павел Андреюктің жұмысы – классикалық академиялық кескіндеме мектебі. Біз көрермендер назарына 24 картинаны ұсынбақшымыз. Барлығында суретші өмір сүрген дәуірдің лебі бар. 50-70 жылдардағы Қарағанды, Қарағанды облысы бейнеленген. Сондай-ақ экспозицияны Қарағанды Суретшілер одағын құрудың бастауында тұрған шеберлердің жұмыстарымен толықтырамыз, – дейді "Алтын ғасыр" галереясы басшыларының бірі Бибігүл Исполова.

Ашылу 16.00-де.

Көрме 19 қыркүйекке дейін жалғасады.

"Алтын ғасыр" галереясының жұмыс уақыты: 10:00-ден 18:00-ге дейін.

Мекен-жайы: Комиссаров көшесі, 35а.

Ақпарат көзі: ГУ «Аппарат акима Карагандинской области»