Қарағандылық оқушы Шахназ Есенгелді мен Әсел Абылай Петропавлдағы Мағжан оқуларының республикалық кезеңінде үшінші орынға ие болды. Ғылыми-шығармашылық байқау биыл 50-ден астам 7-11 сынып оқушыларын біріктірді.

Шахназ әл-Фараби атындағы мектеп-гимназияның 11-сыныбын бітірген. Журналист болуды армандайды, Еуразия ұлттық университетіне түседі.

– Мен "Жасынан оқу оқып, өнер қуған…" номинациясына қатыстым, Мағжан Жұмабаевтың шығармашылығы туралы ғылыми жоба қорғадым. Оның "Сүйемін" шығармасын талдай отырып, ол өлеңдерінде Отанға, балаларға, жұбайына деген сүйіспеншілік сияқты сезімдерді қаншалықты терең ашқанына көз жеткіздім. Сондай-ақ, мен оның және қазіргі автор Бағдат Мүбарактың арасында салыстырма жүргіздім. Жоба бойынша жұмыс жарты жылға созылды, мені жетекшім Нұргүл Ақмамбетова қолдады, – деді Шахназ.

Әсел Абылай Әлихан Бөкейхан атындағы мектеп-гимназияның 10-сыныбына көшті. Ол қазақ әдебиетінің мұғалімі болғысы келеді, Мағжан оқуларына шамамен бір жарым жыл дайындалыпты. Мен Мағжан атамыздың 93 шығармасын жаттап алдым.

– Мен "Өлең – менің Шолпаным, Айым, Күнім" номинациясында өнер көрсеттім. Қатысу мен үшін оңай болған жоқ. Басқа өңірлерден келген сайыскерлер өте жақсы дайындық көрсетті, 150 шығарманы жатқа білетін құрдастарым болды. Бұл мен үшін одан әрі дамуға үлкен ынталандыру, – дейді Әсел.

Жеңімпаздар дипломдармен және бағалы сыйлықтармен марапатталды.

Ақпарат көзі: ГУ «Аппарат акима Карагандинской области»