Қарағандылық Бауыржан Текенов ерлер мен әйелдер арасындағы өрт-құтқару спорты бойынша ҚР өрт қауіпсіздігі Қауымдастығының Кубогына І турнирдің жеңімпазы атанды. Спортшы шабуыл баспалдақтарымен көтерілуде ең жақсы нәтиже көрсетті.

Жарыс Астанада өтті. Додаға қоссайыстан қысқы чемпионаттың қорытындысы бойынша Қазақстанның үздік спортшылары қатысты – 52 ер адам және 32 әйел. Құтқарушылар өз шеберліктерін екі түр бойынша көрсетті: шабуыл сатысымен көтерілу және кедергілері бар 100 метрлік жолақты еңсеру.

Қарағанды қаласының № 1 МӨСБ аға өрт сөндіруші-құтқарушысы Бауыржан Текенов оқу мұнарасының 4-ші қабатына шабуыл сатысымен көтерілу кезінде барлық қарсыластарынан озық түсті. Жеңімпаздың нәтижесі – 14,01 сек.

– Жеңіс оңай болды деп айта алмаймын. Жаттығуға көп уақыт кетті. Техникалық жаттығуға күніне кемінде үш сағат беріледі. Шамамен 20 рет көтерілу керек. Сонымен қатар, физикалық белсенділік бар. Қарсыластардан ешкімді ерекше атай алмаймын. Әркімнің мүмкіндігі бірдей болды, бірақ жеңіс маған бұйырды. Әрине, өте қуаныштымын, – деп мойындайды қарағандылық спортшы.

Бауыржан Текенов 2016 жылы өрт сөндіруші-құтқарушы болып жұмыс істей бастады. Қиын жағдайға тап болған адамдарға көмектескенді ұнататынын айтады. Бір жылдан кейін спортқа келген. Бүгінгі таңда ӨСҚС бойынша ҚР спорт шебері атағы бар. Қазақстан чемпионаттарының бірнеше дүркін жеңімпазы және жүлдегері.

Турнир қорытындысы бойынша Бауыржан Текенов 16 қазақстандық спортшының қатарында оқу-жаттығу жиындарына қатысады. Олардың ішіндегі ең жақсысы Харбинге (ҚХР) өрт-құтқару спорты бойынша әлем чемпионатына барады.

Ақпарат көзі: ГУ «Аппарат акима Карагандинской области»