Қарағандылық құтқарушы Алмаз Қарсыбеков қызметтік борышын орындаудағы жанқиярлығы, сондай-ақ елдегі су тасқыны кезінде көрсеткен батылдығы үшін "Ерлігі үшін" медалімен марапатталды.

Ол су тасқыны кезеңінде Солтүстік Қазақстан облысында тұрғын аумақтарды су басу кезінде авариялық-құтқару және басқа да шұғыл жұмыстарды ұйымдастырды, су басу аймағында қалған адамдарды құтқаруға қатысты. Оның басшылығымен су басқан үйлерден 11 адам құтқарылды, 650 адам, оның ішінде 135 бала эвакуацияланды.

Жасақ басшысының орынбасары – Қарағанды облысы ТЖД Жедел-құтқару жасағының құтқарушысы Алмаз Қарсыбеков 2008 жылдан бастап азаматтық қорғау органдарында жұмыс істейді.

Қарағанды облысы ТЖД баспасөз қызметінің ақпараты бойынша

Ақпарат көзі: ГУ «Аппарат акима Карагандинской области»