Қарағанды облысы ТЖД бастығы Марғұлан Аманбаев қызметкер Александр Комаровпен кездесті.

2024 жылғы 7-18 қазан аралығында Грекия Республикасының Перама қаласында гір спорты бойынша әлем чемпионаты өтеді. Бұл спорттық іс-шараға Қарағанды облысы ТЖД 22-ӨСБ қарауыл бастығы Александр Комаров қатысады.

Александр өзінің спорттық қызметін гір спортында 2004 жылы 11 жасында бастады, 13 жасында спорт шеберіне кандидаттың нормативін орындады, 14 жасында Қазақстан Республикасы Спорт шеберінің нормативін орындады (гір спортынан Қазақстан Республикасының ең жас спорт шебері). 19 жасында (2012ж.) гір спортынан халықаралық дәрежедегі спорт шебері нормативін орындады.

Біздің спортшының спорттық жетістіктері:

- Қазақстан Республикасының бірнеше дүркін чемпионы.

- Еуропа ашық біріншілігінің абсолюттік чемпионы (2010ж.)

- Еуропа вице-чемпионы (2011ж. )

- Әлемнің 5 дүркін вице-чемпионы (2010 ж. - Финляндия; 2011 ж. - АҚШ; 2012 ж. - Латвия; 2013 ж. - Греция; 2013 ж. - Ресей)

- Студенттер арасында әлем чемпионы (2013ж. Өзбекстан)

- Азия вице-чемпионы (2021 ж. Өзбекстан)

- МСГС Азия ойындарының чемпионы (2021 ж. Өзбекстан)

- Әлем кубогы кезеңінің чемпионы (2021 ж. Венгрия);

- Азия вице-чемпионы (2022ж. Қазақстан)

- Әлем кубогы кезеңінің чемпионы (2022 ж. Үндістан)

- Әлем чемпионатының қола жүлдегері (2022 ж. Үндістан)

Сонымен қатар ол «Қарағанды облысының гір спорты және армрестлинг федерациясы» ҚБ президенті, жоғары санатты жаттықтырушы, Қарағанды облысының гір спорты бойынша аға жаттықтырушысы болып табылады. Қазақстан Республикасы ұлттық құрамасының құрамына кіреді.

«Сізге сәттілік, жарқын жеңіс, Сарқылмас қуат, Сергектік және керемет спорттық көңіл - күй тілейміз», - деді Марғұлан Аманбаев.

Қарағанды облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан