Қарағанды "Сарыжайлау" кинотеатрында үш күн, 22, 23 және 24 шілде күндері сағат 11:00-ден 18:00-ге дейін қолөнер шеберлерінің жәрмеңкесі өтеді. Оған 30-ға жуық шебер қатысады.

Онда әр түрлі өнімдер ұсынылады: сөмкелер, сыпыоа, зергерлік бұйымдар, киім, бас киімдер, тоқыма аяқ киімдер, керамикалық бұйымдар, қолдан жасалған ойыншықтар, косметика және тағы басқалар. 

Жәрмеңкені ұйымдастырушы – JADIGER қолөнершілер қауымдастығы.

– Мен өз бизнесімді 2022 жылы "Атамекен" кәсіпкерлер Палатасының қолдауымен аштым. Қарағанды облысының аудандары мен шалғайдағы елді мекендерден қолөнершілерді жинап, оларды біріктірдім. Қазір біздің қауымдастықта 350 қолөнерші бар. Бірақ қатарымыз одан да қалың болады деп үміттенеміз. Шеберлердің арқасында қазақтардың дәстүрлері мен халық қолөнері сақталады. Алда көптеген жоспарлар бар, – дейді Қарағанды облыстық "JADIGER қолөнершілер қауымдастығы" ҚБ төрағасы Перизат Құлымбетова.

Ақпарат көзі: ГУ «Аппарат акима Карагандинской области»