Қарағандылық "Жастар" командасы Қазақстан чемпионатында жеңіске жетті. Жамбыл облысы Қордай ауылында спорт мектептерінің 2013 жылы туған тәрбиеленушілері арасында республикалық біріншілік өтті.

Жарысқа он команда қатысты. Финалдық ойында "Жастар" футболшылары 5:0 есебімен Шығыс Қазақстан облысынан келген "Зайсан" командасын жеңді.

– Біздің топта Ақтөбе, Түркістан, Жамбыл, тіпті Қырғызстаннан келген өте мықты қарсыластар болды. Оларды жеңу қиын болды. Бірақ біздің ойыншылар мықты! Олар барын салып ойнады, барлық талаптарымды орындады, жеңіс үшін аянбады. Мен оларға өте ризамын және мақтанамын, - деді Қарағанды облысының Футболдан олимпиадалық резерв спорт мектебінің "Жастар" командасының жаттықтырушысы Саид Ахметов.

"Жастар" ойыншылары номинациялар бойынша да ерекшеленді. Ерасыл Ердеғұл үздік қорғаушы, Эмиль Марданов үздік бомбардир атанды. "Чемпионаттың ең пайдалы ойыншылары" номинациясы Қайсар Төлеген мен Әмірхан Татариновке бұйырды.

Қарағанды облысының дене шынықтыру және спорт басқармасының ақпараты бойынша

Ақпарат көзі: ГУ «Аппарат акима Карагандинской области»