Биыл "Жастар" олимпиадалық резервінің облыстық мамандандырылған балалар-жасөспірімдер мектебінің командасы екі республикалық турнирде екі рет Қазақстан чемпионы атағын жеңіп алды және жақында ел біріншілігінің қола жүлдегері атанды. Жас футболшыларды дене шынықтыру және спорт басқармасында жақсы нәтижелерімен құттықтады.

"Жастар" тәрбиеленушілері негізінен Бұқар Жырау және Абай аудандарынан жинақталған ауылдық балалар. Бұл оларға Жамбыл облысындағы ауылдық спорт мектептері арасындағы чемпионатқа қатысуға мүмкіндік берді. Біріншілікте сегіз команда үздік атағы үшін күресті, олардың бірі Қырғызстаннан. Финалда қарағандылықтар Шығыс Қазақстан облысының футболшыларын жеңді.

Содан кейін "Жастар" командасы 2012 жылы туған спортшылар өнер көрсеткен ауылдық спорт мектептері арасындағы тағы бір Қазақстан чемпионатына қатысты. Қарағандылықтар қарсыластарынан бір жас кіші болса да, бұл оларға алтын медальға қол жеткізуге кедергі болмады.

– Сонымен қатар біз балалар мен жасөспірімдер спорт мектептері арасындағы ҚР чемпионатына қатыстық. 13 аймақтан 15 команда болды. Жартылай финалда чемпион атанған Астана командасынан жеңіліп қалдық. Ал үшінші орын үшін ойында Алматы облысының футболшыларын 2:0 есебімен айналып өттік, – деді футбол бойынша "Жастар" ОРОБЖСМ бапкер-оқытушысы Саид Ахметов.

"Жастар" мектебінің басшылығын, жаттықтырушыны және команданы дене шынықтыру және спорт басқармасы грамотамкн марапаттады. Бірақ жас футболшылар үшін ең маңызды сыйлық жаңа форма болды.

Қарағанды облысының дене шынықтыру және спорт басқармасының ақпараты бойынша

Ақпарат көзі: ГУ «Аппарат акима Карагандинской области»